13th Apr2021

ພະແນກຕຳຫຼວດຈະລາຈອນ ຈັດກິດຈະກຳໂຄສະນາ, ແນະນຳນັກຂັບຂີ່ໃຫ້ນຳໃຊ້ທາງດ່ວນຢ່າງຖືກຕ້ອງ ແລະ ປອດໄພ ໃນໄລຍະບຸນປີໃໝ່ລາວ

by somchan

ວັນທີ 12 ເມສາ 2021 ນີ້ ພະແນກຕຳຫຼວດຈະລາຈອນ ຫ້ອງຕຳຫຼວດ ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ຮ່ວມກັບບໍລິສັດຮ່ວມທຶນພັດທະນາທາງດ່ວນລາວ-ຈີນ ຈຳກັດ ໄດ້ຈັດກິດຈະກຳໂຄສະນາ, ແນະນຳນັກຂັບຂີ່ໃຫ້ນຳໃຊ້ທາງດ່ວນຢ່າງຖືກຕ້ອງ ແລະ ປອດໄພ ໃນໄລຍະບຸນປີໃໝ່ລາວ ພສ 2564 ຢູ່ທີ່ສູນບໍລິການລູກຄ້າຈຸດບໍລິການສະຖານີຮັບເງີນ ນະຄອນຫຼວງວຽງຈັນ ທາງດ່ວນລາວ-ຈີນ, ໂດຍການໃຫ້ກຽດເຂົ້າຮ່ວມມີ ພັນໂທ ຈັນທະບູນ ມະນີວົງ ຮອງຫົວໜ້າຫ້ອງຕຳຫຼວດ ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ, ພັນໂທ ວິລະພົນ ສະເໜ່ຫາ ຫົວໜ້າພະແນກຕຳຫຼວດຈະລາຈອນ, ທ່ານ ມາຫົງຫວາງ ຮອງປະທານບໍລິສັດຮ່ວມທຶນພັດທະນາທາງດ່ວນລາວ-ຈີນ ຈຳກັດ, ຮອງຫົວໜ້າພະແນກດຳເນີນງານທາງດ່ວນ ແລະ ນາຍຕຳຫຼວດ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ.

 

ພັນໂທ ວິລະພົນ ສະເໜ່ຫາ ຫົວໜ້າພະແນກຕຳຫຼວດຈະລາຈອນ ໄດ້ກ່າວວ່າ: ເພື່ອກະກຽມການສະເຫຼີມສະຫຼອງວັນປີໃໝ່ລາວ ພສ 2564 ກົມຕຳຫຼວດຈະລາຈອນກໍ່ຄືພະແນກຕຳຫຼວດຈະລາຈອນ ນະຄອນຫຼວງວຽງຈັນ ໄດ້ສົມທົບກັບບໍລິສັດຮ່ວມທຶນພັດທະນາທາງດ່ວນລາວ-ຈີນ ຈຳກັດ ໄດ້ຈັດກິດຈະກຳໂຄສະນາແນະນຳກົດລະບຽບຈະລາຈອນກໍຄືຫຼັກການນຳໃຊ້ທາງດ່ວນຢ່າງຖືກຕ້ອງ ແລະ ປອດໄພໃຫ້ແກ່ບັນດານັກຂັບຂີ່ທີ່ມານຳໃຊ້ບໍລິການທາງດ່ວນນະຄອນຫຼວງວຽງຈັນ-ວັງວຽງ ໃຫ້ໄດ້ຮັບຮູ້ ແລະ ປະຕິບັດຕາມ ທັງນີ້ກໍເພື່ອໂຄສະນາເຊີນຊວນໃຫ້ນັກຂັບຂີ່ໄດ້ຮັບຮູ້ຫຼັກການ, ລະບຽບການນຳໃຊ້ທາງດ່ວນຢ່າງຖືກຕ້ອງ ແລະ ປະຕິບັດຢ່າງເຂັ້ມງວດ, ເພື່ອເຮັດໃຫ້ການສັນຈອນຢູ່ທາງດ່ວນມີຄວາມສະດວກສະບາຍ ແລະ ມີຄວາມປອດໄພຫຼີກເວັ້ນຈາກການເກີດອຸບັດຕິເຫດ  ເພື່ອເປັນການປະກອບສ່ວນເຮັດໃຫ້ການເດີນທາງຂອງຜູ້ຂັບຂີ່ໃນໄລຍະສະເຫຼີມສະຫຼອງວັນບຸນປີໃໝ່ລາວ ພສ 2564 ມີຄວາມເບີກບານມ່ວນຊື່ນ ແລະ ຫຼຸດຜ່ອນການເກີດອຸປະຕິເຫດຕາມຖະໜົນ.

ໃນໂອກາດດຽວກັນນີ້ ພັນໂທ ຈັນທະບູນ ມະນີວົງ ຮອງຫົວໜ້າຫ້ອງຕຳຫຼວດ ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ຍັງໄດ້ເວົ້າວ່າ….ພັທ ຈັນທະບູນ 12,4,2021

Off

Comments are closed.