13th Apr2021

ກົມນະໂຍບາຍອວຍພອນອາດີດການນໍາກະຊວງປ້ອງກັນຄວາມສະຫົງບ

by somchan

ກົມນະໂຍບາຍ ກົມໃຫຍ່ການເມືອງປ້ອງກັນຄວາມສະຫົງບ ໄດ້ຢ້ຽມຢາມ ແລະອວຍພອນ ອາດີດການນໍາກະຊວງປ້ອງກັນຄວາມສະຫົງບ, ເນື່ອງໃນໂອກາດວັນສ້າງຕັ້ງກໍາລັງປ້ອງກັນຄວາມສະຫົງບ ຄົບຮອບ 60 ປີ ແລະ ເນື່ອງໃນໂອກາດບຸນປີໃຫມ່ລາວ ໃນວັນທີ 13 ເມສານີ້, ເຊິ່ງນໍາໂດຍ ພັທ ບຸນທະວີ ວົງສຸນທອນ ຮອງຫົວຫນ້າກົມນະໂຍບາຍ ກົມໃຫຍ່ການເມືອງ ປ້ອງກັນຄວາມສະຫົງບ ພ້ອມຄະນະ,

ໃນການຢ້ຽມຢາມ ແລະ ໄປອວຍພອນໃນຄັ້ງນີ້ ມີ ພົຈວ ບຸນມາ ມີທອງ ອາດີດຮອງລັດຖະມົນຕີກະຊວງປ້ອງກັນຄວາມສະຫງົບ, ພົຈວ ທອງເຄນ ອ່ອນດາວົງ ອາດີດຮອງຫົວຫນ້າກົມໃຫຍ່ການເມືອງປ້ອງກັນຄວາມສະຫົງບ, ພົຈວ ຄໍາແວວ ສີໂຄດຈຸນລະມະນີ ອາດີດຮອງຫົວຫນ້າກົມໃຫຍ່ຕໍາຫຼວດ, ພັອ ທີມ ຊະນະມີໄຊ ອາດີດຮອງຫົວຫນ້າກົມໃຫຍ່ຕໍາຫຼວດ, ປ້າຮັງ ບຸດດາຄໍາ ຄອບຄົວ ພົນຕີ ຄຳຜົນ ບຸດດາຄຳ ອາດີດຮອງລັດຖະມົນຕີກະຊວງປ້ອງກັນຄວາມ ສະຫົງບ. ເຊີ່ງໄດ້ອວຍພອນໃຫ້ແຕ່ລະທ່ານຈົ່ງມີສຸຂະພາບແຂງແຮງ, ມີຄວາມສຸກໃນຊີວິດສ່ວນຕົວ ແລະ ຄອບຄົວ.

ໂອກາດດັ່ງກ່າວອາດິດການນໍາແຕ່ລະທ່ານກໍ່ໄດ້ສະແດງຄວາມຂອບໃຈ ແລະ ອວຍພອນໄຊໃຫ້ ຄະນະກົມນະໂຍບາຍຈົ່ງມີສຸຂະພາບແຂງແຮງສືບຕໍ່ປະຕິບັດຫນ້າທີ່ວຽກງານໃຫ້ປະສົບຜົນສໍາເລັດ.

Off

Comments are closed.