16th Apr2021

ເຫດໄຟໄໝ້ເຮືອນຂອງປະຊາຊົນ ຢູ່ບ້ານທົ່ງກາງ ເມືອງສີສັດຕະນາກ ນະຄອນຫຼວງວຽງຈັນ

by somchan

ເຈົ້າໜ້າທີ່ພະແນກສະກັດກັ້ນ ແລະ ຕ້ານອັກຄີໄພ ປກສ ນະຄອນຫຼວງ ວຽງຈັນ ໄດ້ລາຍງານໃຫ້ຮູ້ວ່າ: ໃນວັນທີ່ 14 ເມສາ 2021 ເວລາ 13 ໂມງໄດ້ເກີດເຫດໄຟໄໝ້ເຮືອນ ຂອງ ທ່ານ ຄຳພັນ ໄຊຍະເສນ ອາຍຸ 83 ປີພະນັກງານບຳນານຢູ່ບ້ານ ທົ່ງກາງ ເມືອງ ສີສັດຕະນາກ ນະຄອນຫຼວງວຽງຈັນ ເຊີ່ງເຮືອນດັ່ງກ່າວເປັນເຮືອນສອງຊັ້ນ ຄືຊັ້ນລຸ່ມກໍ່ດ້ວຍຊີມັງ,ຊັ້ນເທີງແອ້ມດ້ວຍໄມ້ ແລະ ມຸ່ງດ້ວຍສັງກະສີ ສ່ວນສາເຫດການເກີດອັກຄີໄພຄັ້ງນີ້ ລູກສາວ ຂອງເຈົ້າຂອງເຮືອນໄດ້ລາຍງານຕໍ່ເຈົ້າໜ້າທີ່ວ່າ ເກີດຈາກໄຟ້າຊອດ ຫຼື ໄຟ້າລັດວົງຈອນ

ຢູ່ກະດານໄຟທີ່ຢູ່ໃນຫ້ອງຂອງພໍ່ຢູ່ຊັ້ນສອງຂອງເຮືອນ ແອ້ມດ້ວຍໄມ້ ແລະ ອາກາດຮ້ອນອົບເອົ້າ ຈືງເຮັດໃຫ້ໄຟລຸກໄໝ້ຢ່າງໄວວາ ແລະ ເຮັດໃຫ້ມີຜູ້ເສຍຊີວິດ 1 ຄົນ ຊື່ ນາງ ແກ້ວໃຈ ໄຊຍະເສນ ອາຍຸ 58 ປີ ອາຊິບແມ່ເຮືອນ

ປະຈຸບັນເຈົ້າໜ້າທີຕຳຫຼວດ ພວມເກັບກຳຂໍ້ມູນເພື່ອປະເມີນມູນຄ່າເສຍຫາຍ ແລະ ສືບສວນ ສອບສວນ ເພື່ອຊອກຫາສາເຫດທີ່ແທ້ຈິງຂອງການເກີດອັກຄີໄຟໃນຄັ້ງນີ້

Off

Comments are closed.