21st Apr2021

ກະຊວງພາຍໃນ ເຜີຍແຜ່ເຊື່ອມຊືມມະຕິກອງປະຊຸມໃຫຍ່ ຄັ້ງທີ XI ຂອງພັກ

by somchan

ກະຊວງພາຍໃນ ຈັດຕັ້ງເຜີຍແຜ່ເຊື່ອມຊືມມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນ ປະຕິວັດລາວ ໃນວັນທີ  21 ເມສາ 2021 ນີ້ ພາຍໃຕ້ການເປັນປະທານຂອງ ປອ ທອງຈັນ ມະນີໄຊ ເລຂາຄະນະພັກ, ລັດຖະມົນຕີກະຊວງພາຍໃນ, ມີບັນດາຮອງລັດຖະມົນຕີ, ຄະນະພັກ, ຄະນະນຳກະຊວງ, ພະນັກງານຫຼັກແຫຼ່ງ ແລະ ພະນັກງານ-ລັດຖະກອນ ກົມກອງອ້ອມຂ້າງ ກະຊວງພາຍໃນເຂົ້າຮ່ວມ.

ເນື້ອໃນເອກະສານທີ່ນຳມາຈັດຕັ້ງເຜີຍແຜ່ເຊື່ອມຊືມໃນຄັ້ງນີ້ ມີເນື້ອໃນບົດລາຍງານການເມືອງຂອງຄະນະບໍລິຫານງານສູນກາງພັກ ສະໄຫມທີ 10 ຕໍ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິວັດລາວ  ແລະ ແຜນພັດທະນາເສດຖະກິດສັງຄົມ 5 ປີ ເທື່ອທີ 9. ທັງນີ້, ກໍ່ເພື່ອເຮັດໃຫ້ຄະນະພັກ ຄະນະນຳ ພະນັກງານລັດຖະກອນ ກອງກົມອ້ອມຂ້າງກະຊວງພາຍໃນ ໄດ້ຮັບຮູ້ເຂົ້າໃຈຕໍ່ເນື້ອໃນຈິດໃຈຂອງມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນ ປະຕິວັດລາວ ແລະ ພ້ອມກັນນຳເອົາເນື້ອໃນຈິດໃຈສຳຄັນ ຂອງມະຕິດັ່ງກ່າວ ໄປຈັດຕັ້ງຜັນຂະຫຍາຍເຂົ້າສູ່ວຽກງານຕົວຈິງຢູ່ໃນກະຊວງກົມກອງຂອງຕົນໃຫ້ໄດ້ຮັບໝາກຜົນສູງສຸດ ແລະ ປະກົດຜົນເປັນຈິງ ຕາມການມອບໝາຍຂອງພັກ-ລັດຖະບານ.

Off

Comments are closed.