24th Apr2021

ພະແນກຕຳຫຼວດ ຈະລາຈອນ ປກສ ແຂວງ ສະຫວັນນະເຂດ ໄດ້ລົງໂຄສະນາຕ້ານ ແລະ ສະກັດກັ້ນເຊື້ອພະຍາດໂຄວິດ 19.

by somchan

ວັນທີ 22 ເມສາ 2021ນີ້, ພະແນກຕຳຫຼວດ ຈະລາຈອນ ປກສ ແຂວງ ສະຫວັນນະເຂດ ນຳໂດຍ ພັທ ແສງດາວ ໄຊໂກສີ ຮອງພະແນກຕຳຫຼວດ ຈະລາຈອນ ປກສ ແຂວງ ພ້ອມຄະນະສະເພາະກິດ ໄດ້ລົງໂຄສະນາເຜີຍແຜ່ ຜັນຂະຫຍາຍ ເນື້ອໃນ ຄຳສັ່ງ, ແຈ້ງການ ແລະ ນິຕິກຳຕ່າງໆ, ຂອງຄະນະພັກຂັ້ນເທິງໃຫ້ປະຊາຊົນໃນນະຄອນໄກສອນ ພົມວິຫານ ຮັບຮູ້ ແລະ ເຂົ້າໃຈ, ການຕ້ານ, ສະກັດກັ້ນ ການເຝົ້າລະວັງ, ການແຜ່ລະບາດຂອງເຊື້ອພະຍາດໂຄວິດ -19 ຢູ່ເທດສະບານນະຄອນ ໄກສອນ ພົມວິຫານ ໃຫ້ມີຄວາມເຂັ້ມງວດ ແລະ ເປັນເຈົ້າການໃນການປ້ອງກັນຕົນເອງເພື່ອໃຫ້ຫ່າງໄກຈາກເຊື້ອພະຍາດ, ບໍ່ໃຫ້ແຜ່ລະບາດເປັນວົງກ້ວາງ,

ເພື່ອກ່າວເຕືອນໃຫ້ ພະນັກງານ,ທະຫານ,ຕຳຫຼວດ, ພໍ່ຄ້າຊາວຂາຍ ແລະ ປະຊາຊົນຕະຫຼອດຮອດຊາວຕ່າງດ້າວທີ່ອາໃສ່ຢູ່ແຂວງສະຫວັນນະເຂດ ຈົ່ງມີສະຕິລະມັດລະວັງ ການປ້ອງກັນຕົນເອງໃຫ້ສູງຂຶ້ນ,ໃຫ້ແຕ່ລະຄອບຄົວກັກຕົນເອງຢູ່ໃນບໍລິເວນເຮືອນຂອງຕົນ, ຖ້າມີວຽກອັນຈຳເປັນ ຈະອອກຈາກເຮືອນທຸກຄັ້ງຕ້ອງໃສ່ ຜ້າອັດປາກ-ດັງຄັກແນ່ຈຶ່ງໄປເພື່ອຄວາມປອດໄພໃຫ້ແກ່ຕົນເອງ ແລະ ຜູ້ອື່ນ, ນອກຈາກນັ້ນ, ຕໍ່ກັບການໃຊ້ລົດໃຊ້ຖະໜົນກໍ່ຈົ່ງມີສະຕິເຄົາລົບກົດລະບຽບການສັນຈອນຕາມເສັ້ນທາງບົກຢ່າງເຂັ້ມງວດ, ເພື່ອລີກລ້ຽງການເກີດອຸບັດຕິເຫດຕາມມາເຊິ່ງສ້າງຄວາມເສຍຫາຍໃຫ້ແກ້ຕົນເອງ, ຄອບຄົວ ທັງນີ້ກໍ່ເພື່ອເຮັດໃຫ້ສັງຄົມໃຫ້ມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍປອດໄພຮອບດ້ານ.

Off

Comments are closed.