24th Apr2021

ໂຮງໝໍແມ່ ແລະ ເດັກ ເລັ່ງຊັກວັກຊີນ ປ້ອງກັນໂຄວິດ-19 ໃຫ້ພະນັກງານ-ລັດຖະກອນ ແລະ ປະຊາຊົນທົ່ວໄປ

by somchan

ປັດຈຸບັນ, ສປປ ລາວ ເລັ່ງສັກວັກຊີນປ້ອງກັນພະຍາດໂຄວິດ-19 ໃຫ້ແກ່ພະນັກງານ-ລັດຖະກອນ ລວມເຖິງປະຊາຊົນທົ່ວໄປໃນຂອບເຂດທົ່ວປະເທດ, ເຊິ່ງໃນວັນທີ 24 ເມສາ 2021 ນີ້, ໂຮງໝໍແມ່ ແລະ ເດັກ ກໍໄດ້ຈັດຕັ້ງຊັກວັກຊີນ ແອສຕາເຊເນກາ ແລະ ຊີໂນຟາມ ໃຫ້ແກ່ຄະນະພັກ-ຄະນະນໍາ, ບັນດາສື່ມວນຊົນ ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແລະ ປະຊາຊົນທົ່ວໄປ ໄດ້ຫລາຍກວ່າ 400 ຄົນ.

ທ່ານ ນາງ ຈັນຄຳ ເຕັງເບຣຍຈື  ວິຊາການສູນແມ່ ແລະ ເດັກ  ໄດ້ໃຫ້ສຳພາດວ່າ: ໂຮງໝໍແມ່ ແລະ ເດັກ ໄດ້ເປີດຂະບວນການຊັກວັກຊີນ ແຕ່ວັນທີ 23 ເມສາ ຫາ 4 ພຶດສະພາ 2021. ປັດຈຸບັນ ຕົວເລກຜູ້ຕິດເຊື້ອໂຄວິດ-19 ຢູ່ ສປປ ລາວ ໄດ້ເພີ່ນສູງຂຶ້ນ ເຮັດໃຫ້ປະຊາຊົນທົ່ວໄປ ມີຄວາມຕື່ນຕົວເຂົ້າມາຊັກວັກຊີນຫລາຍຂຶ້ນ ຖ້າທຽບໃສ່ໃນເມື່ອກ່ອນ ແມ່ນເພີ່ມຂຶ້ນຫລາຍເທົ່າ. ມາຮອດວັນທີ 23 ເມສາ 2021 ທົ່ວປະເທດສາມາດຊັກວັກຊີນ ເຂັມທີ 1 ໄດ້ 122.310 ຄົນ ແລະ ເຂັມທີ 2 ໄດ້ 57.215 ຄົນ. ສະເພາະນະຄອນຫລວງວຽງຈັນ, ເຂັມທີ 1 ໄດ້ 16.779 ຄົນ ເຂັມທີ 2 ສັກໄດ້ 1 ພັນກວ່າຄົນ.

Off

Comments are closed.