17th Sep2013

ຄະນະຜູ້ແທນກອງປະຊຸມລັດຖະມົນຕີອາຊຽນ ວ່າດ້ວຍອາຊະຍາກຳຂ້າມຊາດ ຄັ້ງທີ 9 ເຂົ້າຢ້ຽມຂ່ຳນັບທ່ານນາຍົກລັດຖະ ມົນຕີແຫ່ງ ສປປ ລາວ

by somchan

ໃນຕອນເຊົ້າວັນທີ 17 ກັນຍາ 2013 ນີ້ ບັນດາ ຄະນະຜູ້ແທນຈາກປະເທດສະມາຊິກອາຊຽນ ແລະປະເທດຄູ່ເຈລະຈາທີ່ເຂົ້າຮ່ວມກອງປະຊຸມລັດ ຖະມົນຕີອາຊຽນວ່າດ້ວຍອາຊະຍາກຳຂ້າມຊາດຄັ້ງທີ 9 ໄດ້ເຂົ້າຢ້ຽມຂ່ຳນັບພະນະທ່ານ ທອງສິງ ທຳມະວົງ ນາຍົກ ລັດຖະມົນຕີແຫ່ງ ສປປ ລາວ ຢູ່ທີ່ໂຮງແຮມດອນຈັນພາເລດນະຄອນຫຼວງວຽງຈັນ.

ໃນໂອກາດດັ່ງກ່າວ ພະນະທ່ານ ທອງສິງ ທຳມະວົງ ນາຍົກລັດຖະມົນຕີແຫ່ງສາທາລະນະລັດ ປະຊາທິປະໄຕ ປະຊາຊົນລາວ ກໍ່ໄດ້ກ່າວຄຳຂອບໃຈ ແລະ ຍ້ອງຍໍຊົມເຊີຍຕໍ່ຄະນະຜູ້ແທນ ທີ່ເຂົ້າຮ່ວມກອງປະຊຸມ ໂດຍທ່ານໄດ້ຕີລາຄາສູງຕໍ່ກັບການພົວພັນຮ່ວມມືສະໜິດແໜ້ນ ລະຫວ່າງ ສປປ ລາວ ກັບບັນດາປະເທດສະມາຊິກອາຊຽນ ແລະ ຄູ່ເຈລະຈາ ສະເພາະແມ່ນການຮ່ວມມືໃນຂົງເຂດການຕ້ານອາຊະຍາກຳຂ້າມຊາດ ທີ່ຫຼາຍປະເທດໃນໂລກໃຫ້ຄວາມສຳຄັນ ແລະ ທ່ານກໍ່ເຊື່ອໝັ້ນວ່າກອງປະຊຸມໃນຄັ້ງນີ້ຈະເຮັດໃຫ້ວຽກງານປ້ອງກັນຄວາມສະຫງົບ ກໍ່ຄືການຕ້ານອາຊະຍາກຳຂ້າມຊາດ ຢູ່ໃນພາກພື້ນກໍ່ຄືສາກົນ ໄດ້ຮັບການເພີ່ມທະວີ ແລະ ມີປະສິດທິຜົນສູງຂື້ນກວ່າເກົ່າ.

Off

Comments are closed.