17th Sep2013

ກອງປະຊຸມລັດຖະມົນຕີອາຊຽນວ່າດ້ວຍ ອາຊະຍາກຳຂ້າມຊາດຄັ້ງທີ 9

by somchan

asan+3(03)

ກອງປະຊຸມລັດຖະມົນຕີອາຊຽນວ່າດ້ວຍອາຊະຍາ ກຳຂ້າມຊາດຄັ້ງທີ 9 ທີ່ ສປປລາວ ໄດ້ຮັບກຽດເປັນ ເຈົ້າພາບ ໄດ້ຈັດຂຶ້ນຢ່າງເປັນທາງການໃນວັນທີ 17 ກັນຍາ 2013 ນີ້ ຢູ່ທ່ຫ້ອງປະຊຸມໂຮງແຮມ ດອນຈັນພາເລດ ໂດຍການໃຫ້ກຽດເປັນປະທານ ກ່າວເປີດຂອງທ່ານ ພະນະທ່ານ ທອງສິງ ທຳມະວົງ ນາຍົກລັດມົນຕີ ແຫ່ງ ສປປລາວ ມີບັນດາ ລັດຖະມົນຕີທີ່ຮັບຜິດຊອບກ່ຽວກັບວຽກງານອາ ຊະຍາກຳຂ້າມຊາດຈາກປະເທດສະມາຊິກອາຊຽນ ແລະ ປະເທດຄູ່ເຈລະນາ, ສປ ຈີນ, ຍີ່ປຸ່ນ, ສ ເກົາຫຼີ, ເລຂາທິການໃຫຍ່ອາຊຽນ ບັນດາຄະນະຜູ້ແທນ ແລະ ແຂກຖືກເຊີນເຂົ້າຮ່ວມ.

ພະນະທ່ານ ທອງສິງ ທຳມະວົງ ນາຍົກລັດມົນຕີ ແຫ່ງ ສປປລາວໄດ້ກ່າວເປີດໃນກອງປະຊຸມນີ້ວ່າບັນຫາອາຊະຍາກຳຂ້າມຊາດ ແມ່ນໄພຂົ່ມຂູ່ຕໍ່ສັນຕີພາບ ຄວາມສະຫງົບ ແລະສະຖຽນລະພາບ ທັງສົ່ງຜົນກະທົບຕໍ່ການພັດທະນາເສດຖະກິດສັງຄົມໃນພາກພື້ນ ແລະ ໃນໂລກ. ສະນັ້ນການຮ່ວມມືຂອງບັນດາປະເທດສະມາຊິກອາຊຽນ ແລະ ຄູ່ເຈລະນາຈະເປັນການຕອບຕ້ານຄືນກັບບັນຫາດັ່ງກ່າວ.

ທ່ານຍັງໄດ້ກ່າວຕື່ມອີກວ່າ: ກອງປະຊຸມລັດຖະມົນຕີອາຊຽນວ່າດ້ວຍອາຊະຍາກຳຂ້າມຊາດຄັ້ງທີ 9 ນີ້.. ຈະເປັນເວທີໃນການປຶກສາຫາລື ແລະ ຮ່ວມມື ແລກປ່ຽນບົດຮຽນ, ຂໍ້ມູນຂ່າວສານຕ່າງໆ ເພື່ອປະກອບສ່ວນຮັດແໜ້ນການຮ່ວມມືກັນຕ້ານກັບອາຊະຍາກຳຂ້າມຊາດ.

ພ້ອມດຽວກັນນີ້ ທ່ານດຣ ທອງບັນ ແສງອາພອນລັດຖະມົນຕີວ່າການກະຊວງປ້ອງກັນຄວາມສະຫງົບທັງເປັນປະທານກອງປະຊຸມລັດຖະມົນຕີອາຊຽນວ່າດ້ວຍອາຊະຍາກຳຂ້າມຊາດ ກໍ່ໄດ້ຂຶ້ນກ່າວຈຸດປະສົງ, ເປົ້າໝາຍຂອງກອງປະຊຸມໂດຍທ່ານໄດ້ກ່າວວ່າ: ກອງປະຊຸມໃນຄັ້ງນີ້ໄດ້ທົບທວນຄືນກ່ຽວກັບການປະຕິບັດສົນທິສັນຍາຂອງກອງປະຊຸມລັດຖະມົນຕີວ່າດ້ວຍອາຊະຍາກຳຂ້າມຊາດຄັ້ງທີ 8 ທີ່ບາລີ ປະເທດອິນໂດເນເຊຍ ແລະ ພ້ອມກັນປຶກສາຫາລືແລກປ່ຽນຄຳຄິດຄຳເຫັນ ກ່ຽວກັບການເສີມຂະຫຍາຍການພົວພັນຮ່ວມມືພັດທະນາ ແລະ ພ້ອມກັນສະກັດກັ້ນ, ແກ້ໄຂ ຕ້ານກັບບັນຫາອາຊະຍາກຳຂ້າມຊາດ.

Off

Comments are closed.