25th Apr2021

ບົດຖະແຫຼງຂ່າວຂອງຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອຈຸລະ​ໂລກ​ສາຍ​ພັນໃໝ່ COVID-19 ປະຈຳວັນອາທິດ ວັນທີ 25 ເມສາ ປີ 2021

by somchan

ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ແລະ ດຣ. ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດວິທະຍາ  ກະຊວງສາທາລະນະສຸກ, ຕາງໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19,ໄດ້ຖະແຫຼງຂ່າວປະຈຳວັນອາທິດ ວັນທີ 25 ເມສາ ປີ 2021 ນີ້ວ່າ:  ສະພາບການລະບາດ​ຂອງ​ພະ​ຍາດ COVID-19 ຢູ່  ສປປ ລາວ ຮອດປະຈຸບັນ ມີຜູ້ຕິດເຊື້ອສະສົມ 323 ຄົນ; ໃນນີ້ ຜູ້ຕິດເຊື້ອໃໝ່ 76 ຄົນ.​

ເຊິ່ງ ການເຝົ້າລະວັງ COVID-19 ຢູ່ ສປປ ລາວ ຢູ່ຈຸດຜ່ານແດນ ແລະ ດ່ານສາກົນ: ວັນທີ 24 ເມສາ ທົ່ວປະເທດມີຜູ້ເດີນທາງເຂົ້າມາ ທັງໝົດ 3,204 ຄົນ: ຈຸດຜ່ານດ່ານ ລາວ – ໄທ ທັງໝົດ 1,866 ຄົນ; ຈຸດຜ່ານດ່ານ ລາວ – ຈີນ ທັງໝົດ 47 ຄົນ;​ ຈຸດຜ່ານດ່ານ ລາວ – ຫວຽດນາມ ທັງໝົດ 1,133 ຄົນ; ຈຸດຜ່ານສະໜາມບິນສາກົນວັດໄຕ ທັງໝົດ 158 ຄົນ; ທຸກຄົນທີ່ເຂົ້າມາທາງຈຸດຜ່ານແດນ ແມ່ນໄດ້ຜ່ານການວັດແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້ ໄດ້ເກັບຕົວຢ່າງທຸກ​ໆຄົນມາກວດຫາເຊື້ອ COVID-19; ນຳສົ່ງໄປຈຳກັດບໍລິເວນຢູ່ສູນທີ່ຄະນະສະເພາະກິດກຳນົດໄວ້.​ ການຕິດຕາມການຈຳກັດບໍລິເວນ ປະຈຸບັນທົ່ວປະເທດ ມີສູນຈໍາກັດບໍລິເວນທີ່ເປີດນຳໃຊ້ຢູ່ ທັງໝົດ 49 ສູນ,​ ມີຜູ້ຈຳກັດບໍລິເວນທັງໝົດ 3,678 ຄົນ, ທຸກຄົນແມ່ນ​ໄດ້ເກັບຕົວຢ່າງມາກວດວິເຄາະຫາເຊື້ອພະຍາດ COVID-19. ການເກັບຕົວຢ່າງຊອກຫາເຊື້ອ COVID-19: ໃນວັນທີ 24 ເມສາ 2021 ໄດ້ເກັບຕົວຢ່າງມາກວດວິເຄາະທັງໝົດ 2,115 ຄົນ; ຜົນກວດວິເຄາະທັງໝົດ ແມ່ນພົບຜູ້ຕິດເຊື້ອໃໝ່ 76 ຄົນ, ໃນນັ້ນ ຈາກນະຄອນຫຼວງ 64 ຄົນ, ຫຼວງນໍ້າທາ 4 ຄົນ, ສາລະວັນ 5 ຄົນ, ສະຫວັນນະເຂດ 2 ຄົນ ແລະ ບໍ່ແກ້ວ 1 ຄົນ. ສັງລວມການເກັບຕົວຢ່າງກວດວິເຄາະ ນັບແຕ່ເດືອນມັງກອນ 2020 ຮອດປະຈຸບັນ ມີທັງໝົດ 1 ແສນກວ່າ ຕົວຢ່າງ, ໃນນັ້ນ ກວດພົບເຊື້ອສະສົມ 323 ຄົນ.ບໍ່ມີຜູ້ເສຍຊີວີດ, ປິ່ນປົວຫາຍດີ 49 ຄົນ , ຍັງນອນຕິດຕາມປິ່ນປົວຢູ່ສະຖານທີ່ປິ່ນປົວທີ່ແຂວງກຳນົດໄວ້ ຈຳນວນ 274 ຄົນ, ຄື: ຢູ່ນະຄອນຫຼວງວຽງຈັນ 243 ຄົນ (ໃໝ່ 64), ແຂວງຈຳປາສັກ 7 ຄົນ, ແຂວງສາລະວັນ 6 ຄົນ (ໃໝ່ 5), ແຂວງບໍ່ແກ້ວ 6 ຄົນ (ໃໝ່ 1), ແຂວງສະຫວັນນະເຂດ 5 ຄົນ (ໃໝ່ 2),ຫຼວງນ້ຳທາ 4 ຄົນ (ໃໝ່ 4), ແຂວງວຽງຈັນ 1 ຄົນ, ແຂວງຄຳມ່ວນ 1 ຄົນ ແລະ ແຂວງບໍລິຄຳໄຊ 1 ຄົນ.  ທຸກຄົນ ແມ່ນມີສຸຂະພາບຮ່າງກາຍ ຈິດໃຈສົມບຸນ ແລະ ແຂງແຮງດີ.

ດຣ. ຣັດຕະນະໄຊ ເພັດສຸວັນ ຍັງໃຫ້ຮູ້ອີກວ່າ: ໃນທົ່ວໂລກມີການລາຍງານການລະບາດຂອງພະຍາດ COVID-19 ທັງໝົດ 219 ປະເທດ, ມີຜູ້ຕິດເຊື້ອສະສົມ 147,025,387 ຄົນ, ເສຍຊິວິດສະສົມ 3,111,650 ຄົນ ແລະ ປີ່ນປົວຫາຍດີ 125,029,203 ຄົນ; ປະເທດອາເມຣິກາ ຍັງເປັນອັນດັບໜຶ່ງ ຜູ້ຕິດເຊື້ອສະສົມຫຼາຍກວ່າ 32 ລ້ານກວ່າຄົນ ແລະ ເສຍຊີວິດສະສົມຫຼາຍກວ່າ 585,871 ຄົນ; ອັນດັບສອງ ແມ່ນປະເທດ ອິນເດຍ ມີຜູ້ຕິດເຊື້ອສະສົມ 16 ລ້ານກ່ວາຄົນ ແລະ ເສຍຊີວິດສະສົມ 192,309 ຄົນ;

ສຳລັບຢູ່ບັນດາປະເທດອ້ອມຂ້າງ ສປປ ລາວ ມີ: ໄທ: ມີຜູ້ຕິດເຊື້ອສະສົມ 53,022 ຄົນ (ໃໝ່ 2,839 ຄົນ), ເສຍຊີວິດ 129 ຄົນ (ໃໝ່ 08 ຄົນ); ກຳປູເຈຍ: ຜູ້ຕິດເຊື້ອສະສົມ 9,359 ຄົນ (ໃໝ່ 511 ຄົນ), ເສຍຊີວິດ 71 (ໃໝ່ 10 ຄົນ); ສປ ຈີນ: ຜູ້ຕິດເຊື້ອສະສົມ 90,575 (ໃໝ່ 09 ຄົນ), ເສຍຊີວິດ 4,636 ຄົນ;  ສສ ຫວຽດນາມ: ຜູ້ຕິດເຊື້ອສະສົມ 2,833 (ໃໝ່ 03 ຄົນ) ແລະ ເສຍຊີວິດ 35 ຄົນ ແລະ ມ້ຽນມາ: ຜູ້ຕິດເຊື້ອສະສົມ 142,704 (ໃໝ່ 17) ແລະ ເສຍຊີວິດ 3,206 ຄົນ.

ໂອກາດດຽວກັນນີ້ ດຣ. ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດວິທະຍາ  ກະຊວງສາທາລະນະສຸກ, ຍັງຕາງໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19

Off

Comments are closed.