26th Apr2021

ໂຮງໝແມ່ ແລະ ເດັກ ເລັ່ງຊັກວັກຊີນປ້ອງກັນໂຄວິດ-19

by somchan

ປັດຈຸບັນ, ສປປ ລາວ ເລັ່ງສັກວັກຊີນປ້ອງກັນພະຍາດໂຄວິດ-19 ໃຫ້ແກ່ພະນັກງານລັດຖະກອນ ລວມເຖິງປະຊາຊົນທົ່ວໄປໃນຂອບເຂດທົ່ວປະເທດ, ເຊິ່ງໃນວັນທີ 24 ເມສາ 2021 ນີ້, ໂຮງຫມໍແມ່ ແລະ ເດັກ ກໍ່ໄດ້ຈັດຕັ້ງຊັກວັກຊີນ ແອສຕາເຊເນກາ ແລະ ຊີໂນຟາມ ໃຫ້ແກ່ຄະນະພັກ-ຄະນະນໍາ ບັນດາສື່ມວນຊົນ ຈາກກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ແລະ ປະຊາຊົນ ໄດ້ຫລາຍກວ່າ 400 ຄົນ.

ທ່ານ ນາງ ຈັນຄໍາ ເຕັງເບຣຍຈື ວິຊາການສູນແມ່ ແລະ ເດັກ ໄດ້ໃຫ້ສໍາພາດວ່າ: ໂຮງຫມໍແມ່ ແລະ ເດັກ ໄດ້ເປີດຂະບວນການຊັກວັກຊີນ ແຕ່ວັນທີ 23 ເມສາ ຫາ 4 ພຶດສະພາ 2021. ປັດຈຸບັນ ຕົວເລກຜູ້ ຕິດເຊື້ອໂຄວິດ-19 ຢູ່ ສປປ ລາວ ໄດ້ເພີ່ນສູງຂຶ້ນ ເຮັດໃຫ້ປະຊາຊົນທົ່ວໄປ ມີຄວາມຕື່ນຕົວເຂົ້າມາຊັກ ວັກຊີນຫລາຍຂຶ້ນ ຖ້າທຽບໃສ່ໃນເມື່ອກ່ອນ ແມ່ນເພີ່ມຂຶ້ນຫລາຍເທົ່າ. ມາຮອດວັນທີ 23 ເມສາ 2021 ທົ່ວປະເທດສາມາດຊັກວັກຊີນ ເຂັ້ມທີ່ 1 ໄດ້ 122.310 ຄົນ ແລະ ເຂັ້ມທີ 2 ໄດ້ 57.215 ຄົນ. ສະເພາະນະຄອນຫລວງວຽງຈັນ, ເຂັມທີ່ 1 ໄດ້ 16.779 ຄົນ ເຂັມທີ 2 ສັກໄດ້ 1 ພັນກວ່າຄົນ.

Off

Comments are closed.