26th Apr2021

ເມືອງໄຊທານີເຂັ້ມງວດປ້ອງກັນເຊື້ອພະຍາດໂຄວິດ 19

by somchan

ຄະນະສະເພາະກິດເພືອ່ປ້ອງກັນ, ຄວບຄຸມ ແລະ ແກ້ໄຂການແຜ່ລະບາດພະຍາດໂຄວິດ 19 ເມືອງໄຊທານີ ນະຄອນຫຼວງວຽງຈັນ ກໍ່ໄດ້ລົງປິດເສັ້ນທາງການເຂົ້າອອກ-ເມືອງ ເວົ້າລວມເວົ້າສະເພາະແມ່ນຊາຍແດນ ລະຫວ່າງນະຄອນຫຼວງວຽງຈັນ ແລະ ແຂວງວຽງຈັນທີ່ເປັນຈຸດສໍາຄັນ ໃນການປ້ອງກັນ ແລະ ສະກັດກັ້ນການແຜ່ລະບາດຂອງພະຍາດໂຄວິດ 19 ເພື່ອປ້ອງກັນບໍ່ໃຫ້ບຸກຄົນທີ່ມີຄວາມສ່ຽງ ຫຼື ອາດນໍາເອົາເຊື້ອພະຍາດດັ່ງກ່າວເຂົ້າມາແຜ່ລະບາດຢູ່ພາຍໃນເມືອງ.

ທ່ານ ອຸ່ນຫຼ້າ ສີຫາພົນ ຄະນະກໍາມະການພັກເມືອງ ເລຂາພັກຮາກຖານ ກຸ່ມຫາດກ້ຽງ ໃຫ້ສໍາ ພາດຕໍ່ນັກຂ່າວປ້ອງກັນຄວາມສະຫງົບວ່າ: ພາຍຫຼັງມີການແຜ່ລະບາດຂອງພະຍາດໂຄວິດ ຄະນະ ສະເພາະກິດໄດ້ເອົາໃຈໃສ່ປະຕິບັດຄໍາສັ່ງເລກທີ 15/ນຍ ວ່າດ້ວຍການເພີ່ມທະວີມາດຕະການສະກັດ ກັ້ນ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ- 19 ໂດຍມີການປະສານ ສົມທົບກັບພາກສ່ວນທີ່ກ່ຽວຂ້ອງ ເປັນຕົ້ນແມ່ນ ກໍາລັງປ້ອງກັນຊາດ, ກໍາລັງຕໍ່າຫຼວດຈະລາຈອນ, ກໍາລັງ ປກສ ກຸ່ມບ້ານ ແລະ ກໍາລັງ ປກສ ບ້ານ ເພື່ອແນະນໍາໃຫ້ຜູ້ໃຊ້ລົດ-ໃຊ້ຖະຫນົນໃຫ້ໄປຕາມ ເສັ້ນທາງທີ່ຄະນະສະເພາະກິດກໍານົດໄວ້.

ຜ່ານການຈັດຕັ້ງປະຕິບັດຜ່ານມາເຫັນວ່າ ປະຊາຊົນ, ພໍ່ຄ້າຊາວຂາຍໃຫ້ການຮ່ວມ ມືເປັນຢ່າງດີ ແລະ ຍັງມີການປະກອບສ່ວນວັດຖຸ-ປັດໃຈ ພໍ່ແມ່ປະຊາຊົນ ແລະ ຊາວຄ້າຂາຍອີກ ດ້ວຍ; ຄຽງຄູ່ກັນນັ້ນ, ຍັງມີພາກສ່ວນຫນຶ່ງທີ່ປະຕິບັດຄຳສັ່ງເລກທີ່ 15ຂອງນາຍົກລັດຖະມົນຕີຍັງບໍ່ທັນໄດ້ດີ ຕໍ່ກັບບັນຫາດັ່ງກ່າວທາງຄະນະ ສະເພາະກິດກໍໄດ້ສຶກສາອົບຮົມ ແລະ ອະທິບາຍຕື່ມກ່ຽວກັບຜົນຮ້າຍຂອງເຊື້ອພະຍາດດັ່ງກ່າວ ເຮັດ ໃຫ້ປະຊາຊົນຈໍານວນດັ່ງກ່າວຮັບຮູ້ ແລະ ເຂົ້າໃຈນໍາໄປຈັດຕັ້ງປະຕິບັດຢ່າງເຂັ້ມງວດ.

 

Off

Comments are closed.