27th Apr2021

ກອງປະຊຸມແຕ່ງຕັ້ງຄະນະສະເພາະກິດປ້ອງກັນ ສະກັດກັ້ນ ການແຜ່ລະບາດຂອງພະຍາດໂຄວິດ ຂອງກະຊວງ ປກສ

by somchan

ກະຊວງປ້ອງກັນຄວາມສະຫງົບ ໄດ້ຈັດກອງປະຊຸມຜ່ານຂໍ້ຕົກລົງແຕ່ງຕັ້ງຄະນະສະເພາະກິດ ປ້ອງກັນ , ສະກັດກັ້ນ ແລະ ຄວບຄຸມການແຜ່ລະບາດຂອງພະຍາດໂຄວິດ 19 ໄດ້ຈັດໃນວັນທີ 26 ເມສາ 2021, ເປັນປະທານໂດຍ ທ່ານ ພົຈວ ສຸວັນນີ ສີສຸພາບມີໄຊ ຮອງຫົວຫນ້າກົມໃຫຍ່ການເມືອງ ຫົວຫນ້າຄະນະ ສະເພາະກິດປ້ອງກັນການແຜ່ລະບາດຂອງ ພະຍາດໂຄວິດ 19 ກະຊວງ ປກສ, ມີບັນດາຄະນະພັກກະຊວງ, ຮອງກົມໃຫຍ່, ຫົວຫນ້າກົມ, ກອງ ວິທະຍາຄານ ແລະ ລັດວິສະຫະກິດເຂົ້າຮ່ວມ.

ກອງປະຊຸມໄດ້ຜ່ານຂໍ້ຕົກລົງວ່າດ້ວຍການແຕ່ງຕັ້ງຄະນະສະເພາະກິດ ກະຊວງປ້ອງກັນຄວາມສະຫງົບ ປ້ອງກັນ, ສະກັດກັ້ນ ແລະ ຄວບຄຸມການແຜ່ລະບາດຂອງພະຍາດໂຄວິດ 19, ຂໍ້ຕົກລົງວ່າດ້ວຍການແຕ່ງຕັ້ງ ສິດປະຈໍາການຄະນະສະເພາະກິດ ກະຊວງປ້ອງກັນຄວາມສະຫງົບ ໃນໄລຍະການເພີ່ມທະວີການປ້ອງ ກັນ, ສະກັດກັ້ນ ແລະ ຄວບຄຸມການແຜ່ລະບາດຂອງພະຍາດໂຄວິດ 19 ແຕ່ວັນທີ 22 ເມສາ ຫາ 5 ພຶດສະພາ 2021, ຂໍ້ຕົກລົງວ່າດ້ວຍການແຕ່ງຕັ້ງສິດປະຈໍາການຂອງ ກະຊວງປ້ອງກັນຄວາມສະຫງົບ ໃນໄລຍະການເພີ່ມທະວີການປ້ອງກັນ, ສະກັດກັ້ນ ແລະ ຄວບຄຸມການແຜ່ລະບາດຂອງພະຍາດໂຄວິດ 19 ໃນລະຫວ່າງວັນທີ 22 ເມສາ ຫາ 31 ພຶດສະພາ 2021, ແຈ້ງການຂອງຫ້ອງວ່າການກະຊວງ ປກສ ເຖິງ ບັນດາກົມໃຫຍ່, ກົມກອງ, ກອງບັນຊາການ, ວິທະຍາຄານອ້ອມຂ້າງກະຊວງ ປກສ, ກອງບັນຊາການ ປກສ ນວ ແລະ ບັນດາກອງບັນຊາການ ປກສ ແຂວງ ທົ່ວປະເທດ ຈັດຕັ້ງຜັນຂະຫຍາຍຄໍາສັ່ງ ເລກທີ 15/ນຍ ວ່າ ດ້ວຍການເພີ່ມທະວີມາດຕະການສະກັດກັນ, ຄວມຄຸມ ແລະ ກຽມພ້ອມຮອບດ້ານ ເພື່ອຕ້ານພະຍາດໂຄວິດ 19 ແລະ ແຈ້ງການເພີ່ມເຕີມ ໃນການເພີ່ມທະວີມາດຕະການຄວບຄຸມ, ສະກັດກັ້ນ ແລະ ແກ້ໄຂການ ລະບາດຂອງພະຍາດໂຄວິດ 19 ຢູ່ພາຍໃນກໍາລັງປ້ອງກັນຄວາມສະຫງົບ.

ທັງນີ້ເພື່ອເປັນການສຶກສາອົບຮົມການເມືອງ-ແນວຄິດໃຫ້ນາຍ ແລະ ພົນຕໍາຫຼວດທີ່ຢູ່ໃນຄວາມ ຮັບຜິດຊອບຂອງຕົນ ໃຫ້ຮັບຮູ້ໄດ້ໄພອັນຕະລາຍຂອງພະຍາດໂຄວິດ 19, ຍົກສູງສະຕິລະມັດລະວັງຕົວໃຫ້ສູງ, ຮູ້ຈັກປັບຕົວໃຊ້ຊີວິດຢ່າງປອດໄພ ໃນທ່າມກາງການແຜ່ລະບາດຂອງພະຍາດດັ່ງກ່າວ.

Off

Comments are closed.