27th Apr2021

ບົດຖະແຫຼງຂ່າວ COVID-19 ປະຈຳ ວັນທີ 27 ເມສາ ປີ 2021 ມີຜູ້ຕິດເຊື້ອໃໝ່ 75 ຄົນ

by somchan

ຮສ. ດຣ. ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ, ຫົວໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19; ພ້ອມດ້ວຍ  ດຣ. ຣັດຕະນະ ໄຊເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ແລະ ດຣ. ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດວິທະຍາ  ກະຊວງສາທາລະນະສຸກ, ໄດ້ຕາງໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19,ຖະແຫຼງຂ່າວການເຝົ້າລະວັງ COVID-19 ຢູ່ ສປປ ລາວ ປະຈຳວັນອັງຄານ ວັນທີ 27 ເມສາ 2021; ເຊິ່ງໃນນີ້  ດຣ. ຣັດຕະນະ ໄຊເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ໃຫ້ຮູ້ວ່າ:  ສະພາບການລະບາດ​ຂອງ​ພະ​ຍາດ COVID-19 ຢູ່  ສປປ ລາວ ນັບແຕ່ເດືອນມັງກອນ 2020 ມາຮອດປະຈຸບັນ ແມ່ນໄດ້ຂະຫຍາຍພື້ນທີ່ອອກເປັນ 15 ເຂດຄື: 1 ນະຄອນຫຼວງ ກໍຄື ນະຄອນຫຼວງວຽງຈັນ ກັບອີກ 14 ແຂວງ; ສ່ວນແຂວງທີ່ຍັງບໍ່ທັນພົບວ່າມີຜູ້ຕິດເຊື້ອ 3 ແຂວງ ຄື: ແຂວງຫົວພັນ, ໄຊສົມບູນ ແລະ ອັດຕະປື; ມີຜູ້ຕິດເຊື້ອສະສົມ 511  ຄົນ; ໃນນີ້ ມີຜູ້ຕິດເຊື້ອໃໝ່ 75 ຄົນ ຈາກການເກັບຕົວຢ່າງກຸ່ມສ່ຽງ ໃນວັນທີ 26 ເມສາ 2021 ເພື່ອກວດວິເຄາະຫາເຊື້ອພະຍາດໂຄວິດ-19 ທັງຫມົດ 2.646 ຄົນ; ໃນຈໍານວນ 75 ກໍລະນີຂອງຜູ້ທີ່ຕິດເຊື້ອໃຫມ່ນີ້ ຢູ່ນະຄອນຫຼວງວຽງຈັນ 59 ຄົນ, ແຂວງຈໍາປາສັກ 8 ຄົນ, ແຂວງວຽງຈັນ 4 ຄົນ, ແຂວງສະຫວັນນະເຂດ 1 ຄົນ, ແຂວງບໍ່ແກ້ວ 1 ຄົນ, ແຂວງຫຼວງພະບາງ 1 ຄົນ ແລະ ແຂວງຊຽງຂວາງ 1 ຄົນ.

ຈາກນັ້ນ ດຣ. ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດວິທະຍາ  ກະຊວງສາທາລະນະສຸກ, ຍັງຕາງໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ກໍໄດ້ລາຍງານກ່ຽວກັບສະພາບການລະບາດ ແລະ ການເຄື່ອນໄຫວຂອງບັນດາຜູ້ທີ່ທີ່ຕິດເຊື້ອພະຍາດໂຄວິດ-19 ໃນກໍລະນີຢັ້ງຢືນໃຫມ່ ເຊິ່ງທ່ານໄດ້ກ່າວວ່າ: …..

       ໂອກາດດຽວກັນນີ້ ຮສ. ດຣ. ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ, ຫົວໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19 ກໍໄດ້ຮຽກຮ້ອງໃຫ້ປະຊາຊົນລາວໃນທົ່ວປະເທດ ກໍຄື ຄົນຕ່າງດ້າວ ແລະ ຄົນຕ່າງປະເທດ ທີ່ພວມອາໃສຢູ່ ສປປ ລາວ ໃຫ້ຍົກສູງສະຕິ ແລະ ຄວາມຮັບຜິດຊອບຮ່ວມກັນໃນການປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19; ເພາະວ່າ ການມີສ່ວນຮ່ວມຈາກທຸກພາກສ່ວນໃນສັງຄົມນັ້ນ ມີສ່ວນສໍາຄັນຢ່າງຍິ່ງ ທີ່ຈະນໍາພາປະເທດຊາດ ກ້າວຂ້າມຜ່ານວິກິດໃນຄັ້ງນີ້ໄດ້.ບັນຫາສໍາຄັນອີກ ກໍຄື ໝົດທຸກຄົນ ຕ້ອງໄດ້ຮ່ວມແຮງຮ່ວມໃຈກັນ ປະຕິບັດມາດຕະການທີ່ຄະນະສະເພາະກິດວາງອອກ ຢ່າງເຂັ້ມງວດ ກໍຄື ແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ແລະ ຄໍາແນະນໍາຂອງຂະແໜງການກ່ຽວຂ້ອງ ຄຽງຄູ່ກັນກັບການສືບຕໍ່ປະຕິບັດມາດຕະການປ້ອງກັນການຕິດເຊື້ອຢ່າງຖືກວິທີ.

 

 

Off

Comments are closed.