01st May2021

ຮອງຫົວໜ້າກອງບັນຊາການ ປກສ ນະຄອນຫຼວງວຽງຈັນ ລົງຊຸກຍູ້ກຳລັງປະຈຳການຈຸດຕັ້ງດ່ານກວດເຂົ້າ-ອອກ ພາຍໃນ 4 ເມືອງ

by somchan

ໃນວັນທີ 29 ເມສາ 2021, ພັອ ພິມມະສອນ ທໍາມະວົງ ແລະ ພັອ ຄໍາເກີດ ກຸມມານ ຮອງຫົວໜ້າກອງບັນຊາການ ປກສ ນະຄອນຫຼວງວຽງຈັນ ພ້ອມດ້ວຍຄະນະ ໄດ້ນໍາເອົາເຄື່ອງອຸປະໂພກ-ບໍລິໂພກ ເຊິ່ງປະກອບມີ ເຕັ້ນ, ຕຽງນອນ, ເຂົ້າສານ, ນໍ້າດື່ມ ແລະ ຜ້າປິດປາກ-ດັງ ຈໍານວນໜຶ່ງ ໄປມອບໃຫ້ກຳລັງປະຈຳການຈຸດຕັ້ງດ່ານກວດກາການເຂົ້າ-ອອກຕາມເຂດແດນຢູ່ເມືອງປາກງື່ມ, ເມືອງໄຊທານີ, ເມືອງນາຊາຍທອງ ແລະ ເມືອງສັງທອງ.

ໃນໂອກາດນີ້, ພັອ ພິມມະສອນ ທໍາມະວົງ ໄດ້ກ່າວວ່າ: ການນໍາເອົາເຄື່ອງອຸປະໂພກ-ບໍລິໂພກ ລົງຊຸກຍູ້ ໃຫ້ບັນດາຈຸດຕັ້ງດ່ານກວດກາການເຂົ້າ-ອອກໃນຄັ້ງນີ້, ແມ່ນເພື່ອຕອບສະໜອງເຄື່ອງຮັບໃຊ້ ອັນຈຳເປັນໃຫ້ມີຄວາມຮັບປະກັນໃນການປະຕິບັດໜ້າທີ່ ທັງເປັນການປະກອບສ່ວນເຂົ້າໃນວຽກງານປ້ອງກັນຄວາມສະຫງົບເປັນຕົ້ນແມ່ນການອໍານວຍຄວາມດວກ ໃຫ້ພະນັກງານ-ນັກຮົບ ທີ່ປະຕິບັດໜ້າທີ່ຢູ່ຈຸດປ້ອງກັນ; ນອກນີ້, ທ່ານຍັງໄດ້ກ່າວຍ້ອງຍໍຊົມເຊີຍຕໍ່ກໍາລັງທຸກພາກສ່ວນ ທີ່ໄດ້ເອົາໃຈໃສ່ປະຕິບັດໜ້າທີ່ວຽກງານຕາມການມອບໝາຍຢ່າງເຂັ້ມງວດ ເພື່ອຄວບຄຸມການແຜ່ລະບາດຂອງພະຍາດໂຄວິດ-19ບໍ່ໃຫ້ກະຈາຍອອກເປັນວົງກວ້າງ.

 

Off

Comments are closed.