01st May2021

ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ຈັດຂະບວນການສັກຢາວັກແຊງ ປ້ອງກັນພະຍາດໂຄວິດ-19

by somchan

ໃນວັນທີ 30 ເມສາ 2021 ທີ່ຫໍວັດທະນະທໍາແຫ່ງຊາດ, ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວໄດ້ຈັດຂະບວນການສັກສາວັກແຊງປ້ອງກັນພະຍາດໂຄວິດ-19 ໃຫ້ແກ່ພະນັກງານ, ລັດຖະກອນ ທົ່ວກະຊວງ ຈຳນວນ 500 ກວ່າຄົນ, ເປັນກຽດເຂົ້າຮ່ວມໂດຍມີ ທ່ານ ນາງ ສວນສະຫວັນ ວິຍະເກດ ລັດຖະມົນຕີ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ.

ຈຸດປະສົງການສັກວັກແຊງໃນຄັ້ງນີ້, ເພື່ອໃຫ້ພະນັກງານ, ລັດຖະກອນ ໄດ້ຮັບວັກແຊງປ້ອງກັນພະຍາດໂຄວິດ-19 ຢ່າງທົ່ວເຖິງ  ເນື່ອງຈາກວັກແຊງ ຈະຊ່ວຍສ້າງພູມຄຸ້ມກັນ ໃນຮ່າງກາຍ ຫລຸດຜ່ອນຄວາມຮຸນແຮງ ໃນການຕິດເຊື້ອພະຍາດໂຄວິດ-19. ແຕ່ເຖິງຢ່າງໃດກໍຕາມ ທຸກຄົນກໍຕ້ອງໄດ້ເອົາໃຈໃສ່ໃນການປະຕິບັດ ຄຳສັ່ງເລກທີ 15  ຂອງນາຍົກລັດຖະມົນຕີ ວ່າດ້ວຍການເພີ່ມທະວີ ມາດຕະການສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານເພື່ອຕ້ານພະຍາດໂຄວິດ-19 ຢ່າງເຄັ່ງຄັດ.ສຳລັບພະນັກງານທີ່ລົງຊັກວັກແຊງໃນຄັ້ງນີ້ແມ່ນທີມງານແພດໝໍຈາກໂຮງໝໍເດັກ.

ໂອກາດດຽວກັນນີ້, ທ່ານລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ  ກໍຍັງໄດ້ມອບອຸປະກອນການແພດ ເຊັ່ນ: ຖົງມືຈໍານວນໜຶ່ງ ເພື່ອປະກອບສ່ວນຮັບໃຊ້ເຂົ້າໃນຂະບວນການສັກຢາໃນຄັ້ງນີ້.

 

Off

Comments are closed.