01st May2021

ເຈົ້າຄອງນະຄອນຫຼວງວຽງຈັນ ລົງຕິດຕາມກວດກາການກະກຽມໂຮງໝໍພາກສະໝາມ ຢູ່ສູນກັກກັນຫຼັກ 27

by somchan

ໃນວັນທີ 29 ເມສາ 2021 ຢູ່ສູນກັກກັນບໍລິເວນ ຫຼັກ 27 ເມືອງໄຊທານີ ນະຄອນຫຼວງວຽງຈັນ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ໄດ້ລົງຕິດຕາມ ແລະ ກວດກາການກະກຽມ ໂຮງໝໍພາກສະໝາມ ເພື່ອຮອງຮັບຜູ້ຕິດເຊື້ອ ພະຍາດໂຄວິດ 19 ໂດຍມີ ທ່ານ ຄຳປະດິດ ເຂັມມານິດ ເຈົ້າເມືອງເມືອງໄຊທານີ ພ້ອມດ້ວຍຫົວໜ້າພະແນກ ສາທາລະນະສຸກ ນະຄອນຫຼວງວຽງຈັນ ແລະ ພາກສ່ວນກ່ຽວຂ້ອງເຂົ້າຮ່ວມ.

ໃນການລົງຕິດຕາມ ແລະ ກວດກາສະຖານທີຕົວຈິງຄັ້ງນີ້ ກໍ່ເພື່ອກະກຽມ ຄວາມພ້ອມຢູ່ສວນກັກກັນ ບໍລິເວນຫຼັກ 27 ເປັນໂຮຽໝໍພາກສະໝາມໄວ້ຮອງຮັບຜູ້ຕິດເຊື້ອພະຍາດໂຄວິດ 19 ທີ່ນັບມື້ນັບມີທ່າອຽງເກີດຂື້ນ ພ້ອມທັງຕິດຕາມການສັນຫ້ອງພັກເຊົາ, ການຈັດລະບົບ ລະບາຍນ້ຳ ລະບົບຄວາມປອດໄພ ແລະ ອື່ນໆ ນອກນີ້ ຍັງໄດ້ກວດສະຖານທີອ້ອມຮອບ ເພື່ອກຽມເປັນສະຖານທີ ກັກກັນເພີມເຕີມຖ້າຜູ້ຕິດເຊື້ອ ພະຍາດໂຄວິດ 19 ມີການເພີມຂື້ນຕື່ມອີກ.

Off

Comments are closed.