02nd May2021

ປະທານສະພາການຄ້າຈີນສາຂາຫູໜານ ປະຈຳແຂວງອຸດົມໄຊ ອຸປະຖຳວັດຖຸປັດໃຈ ມູນຄ່າ 6,000,000 ກີບ ໃຫ້ແກ່ ປກສ ແຂວງເພື່ອຊຸກຍູ້ວຽກງານຕ້ານ ແລະ ສະກັດກັ້ນພະຍາດ ໂຄວິດ 19

by somchan

ໃນວັນທີ 28 ເມສາ 2021 ນີ້ ທ່ານ ຈາງຍີບິງ ປະທານສະພາການຄ້າຈີນ ສາຂາຫູໜານປະຈຳແຂວງອຸດົມໄຊ  ພ້ອມຄະນະໄດ້ນຳເອົາວັດຖຸປັດໃຈຈຳນວນໜຶ່ງລວມມູນຄ່າ 6,000,000 ກີບ ມອບໃຫ້ແກ່ກອງບັນຊາການ ປກສ ແຂວງອຸດົມໄຊ ເພື່ອຊຸກຍູ້ເຂົ້າໃນວຽກງານຕ້ານ ແລະ ສະກັດກັ້ນການແພ່ລະບາດຂອງພະຍາດ ໂຄວິດ 19.

ເຄື່ອງທີ່ນຳມາມອບໃນຄັ້ງນີ້ມີໝີ່ສຳເລັດຮູບ 19 ແກັດ, ຜ້າອັດປາກ-ດັງ 01 ແກັດ, ລວມ 50 ກັບ ແລະ ນໍ້າດື່ມບໍລິສຸດ 47 ແພັກ, ກ່າວຮັບໂດຍທ່ານ ພັທ ກອງແກ້ວ ຫັດສະຈັນ ຄະນະພັກ ຮອງກອງບັນຊາການ ປກສ ແຂວງອຸດົມໄຊ,  ມີ ພະນັກງານຫຼັກແຫຼ່ງຈາກຫ້ອງທີ່ກ້ຽວຂ້ອງເຂົ້າຮ່ວມ, ໂອກາດນີ້ ພັທ ກອງແກ້ວ ຫັດສະຈັນ ຕ່າງໜ້າຄະນະນຳກອງບັນຊາການ ປກສ ແຂວງ ກໍ່ໄດ້ກ່າວສະແດງຄວາມຊົມເຊີຍ ແລະ ຮູ້ບຸນຄຸນຕໍ່ປະທານສະພາການຄ້າຈີນສາຂາຫູໜານ ປະຈຳແຂວງອຸດົມໄຊ ພ້ອມຄະນະທີ່ໄດ້ນໍາເອົາຄວາມເປັນຫ່ວງເປັນໄຍທາງດ້ານວັດຖຸ ຈິດໃຈໃຫ້ການອຸປະຖຳຄໍ້າຊູໃຫ້ແກ່ກຳລັງ ປ້ອງກັນຄວາມສະຫງົບແຂວງຄັ້ງນີ້ຢ່າງສຸດໃຈ ແລະ ຈະໝູນໃຊ້ວັດຖຸປັດໃຈດັ່ງກ່າວນີ້ໃຫ້ເກີດປະໂຫຍດແກ່ວຽກງານຕົວຈິງ ແລະ ຂໍອວຍພອນໄຊໃຫ້ທ່ານພ້ອມຄະນະຈົ່ງມີແຕ່ງຄວາມສຸດໂຊກດີ ປະສົບຜົນສຳເລັດໃນໜ້າທີ່ການງານຂອງຕົນ, ສືບຕໍ່ດຳເນີນກິດຈະການໃຫ້ຈະເລີນງອກງາມຂຶ້ນໄປເລື້ອຍໆ.

Off

Comments are closed.