02nd May2021

ບໍລິສັດ PL ມອບເຄື່ອງໃຫ້ ປກສ ນະຄອນຫຼວງວຽງຈັນ ລວມມູນຄ່າ 6 ລ້ານກວ່າກີບ

by somchan

ໃນວັນທີ 30 ເມສາ 2021 ປະທານບໍລິສັດ PL ( ຟອງລາວ ) ຈໍາກັດ ໄດ້ນໍາຜ້າປິດປາກ-ດັງ 3 ແກັດ; <ujສຳເລັດຮູບ 15 ແກັດ ແລະ ກາເຟ ຈຳນວນ 3 ແກັດ ລວມມູນຄ່າ 6.500.000 ກີບ ມາມອບໃຫ້ກອງບັນຊາການ ປກສ ນະຄອນຫຼວງວຽງຈັນ, ເພື່ອເປັນການປະກອບສ່ວນຊຸກຍູ້ເຂົ້າໃນວຽກງານປ້ອງກັນ ແລະ ສະກັດກັ້ນການແຜ່ລະບາດພະຍາດ ໂຄວິດ-19.

ກ່າວຮັບໂດຍ ພັອ ສຸກພະຈັນ ບຸດດາຄຳ ຫົວໜ້າກອງບັນຊາການ ປກສ ນະຄອນຫຼວງວຽງຈັນ, ໃນໂອກາດນີ້ທ່ານໄດ້ສະແດງຄວາມຂອບໃຈ ນຳບໍລິສັດ PL ( ຟອງລາວ ) ຈໍາກັດ ທີ່ນໍາເຄື່ອງມາມອບໃຫ້ ແລະ ເຫັນໄດ້ຄວາມສໍາຄັນຂອງວຽກງານປ້ອງກັນຄວາມສະຫງົບ, ພ້ອມທັງ ອວຍພອນໄຊໃຫ້ທ່ານປະທານບໍລິສັດ ຕະຫຼອດຮອດພະນັກງານທຸກຄົນ ຈົ່ງມີສຸຂະພາບແຂງແຮງ ປາສະຈາກໂລກໄພໄຂ້ເຈັບທຸກປະການ ປະສົບຜົນສຳເລັດໃນໜ້າທີ່ວຽກງານເປັນກ້າວໆ.

ພ້ອມນີ້ ພັອ ສຸກພະຈັນ ບຸດດາຄຳ ຫົວໜ້າກອງບັນຊາການ ປກສ ນະຄອນຫຼວງວຽງຈັນ ຍັງໄດ້ມອບໃບຍ້ອງຍໍໃຫ້ ປະທານບໍລິສັດ PL ( ຟອງລາວ ) ຈໍາກັດ ເພື່ອເປັນການຢັ້ງຢືນເຖິງຄຸນງາມຄວາມດີ ທີ່ໄດ້ປະກອບສ່ວນຊຸກຍູ້ເຂົ້າໃນວຽກງານປ້ອງກັນ ແລະ ສະກັດກັ້ນການແຜ່ລະບາດພະຍາດ ໂຄວິດ-19 ຄັ້ງນີ້.

 

Off

Comments are closed.