03rd May2021

ເມືອງບາຈຽງຈະເລີນສຸກ ໄດ້ຮັບເຄື່ອງຊ່ວຍເຫຼືອເພື່ອຕ້ານໂຄວິດ-19

by somchan

ວັນທີ 30 ເມສາ ​ຜ່ານ​ມານີ້ ທີ່ຫ້ອງວ່າການເມືອງບາຈຽງຈະເລີນສຸກ ແຂວງຈໍາປາສັກ, ບໍລິສັດ ສຸກກະເສີມ ຈະເລີນຊັບ ຈໍາກັດຜູ້ດຽວ ແລະ ບໍລິສັດ ຫົວຫົງ ການຄ້າ ໄດ້ມອບເຄື່ອງຊ່ວຍເຫຼືອ ເພື່ອປະກອບສ່ວນເຂົ້າໃນວຽກງານສະກັດກັ້ນ, ປ້ອງກັນ, ຄວບຄຸມ ແລະ ຕ້ານພະຍາດໂຄວິດ-19 ເຄື່ອງທີນຳມາມອບມີ ນໍ້າດື່ມ 100 ແພັກ, ໝີ່ໄວໆ 85 ແກັດ, ປາກະປ໋ອງ 9 ແກັດ, ເຈວລ້າງມືຂວດນ້ອຍ 1 ແກັດ, ເຈວລ້າງມືຂວດໃຫຍ່ 2 ແກັດ, ຜ້າອັດປາກ-ດັງ 2 ແກັດໃຫຍ່ ລວມມູນຄ່າທັງໜົດ ເກືອບ 12 ລ້ານກີບ ໂດຍການກ່າວຮັບຂອງ ທ່ານ ສົມລິດ ປັນທະບົວສີ ເຈົ້າເມືອງບາຈຽງຈະເລີນສຸກ ໂດຍມີພາກສ່ວນກ່ຽວຂ້ອງເຂົ້າຮ່ວມ.

ໃນໂອກາດນີ້ທ່ານເຈົ້າເມືອງບາຈຽງຈະເລີນສຸກ ໄດ້ກ່າວຄຳຂອບໃຈຕໍ່ທັງສອງບໍລິສັດທີ່ໄດ້ໃຫ້ການຊ່ວຍເຫຼືອໃນຄັ້ງນີ້, ໂດຍເຄື່ອງຈຳນວນດັງກ່າວຈະນຳໃຊ້ເຂົ້າໃນວຽກງານສະກັດກັ້ນ, ປ້ອງກັນ, ຄວບຄຸມ ແລະ ຕ້ານພະຍາດໂຄວິດ-19ໃຫ້ມີປະສິດທິຜົນ.

 

Off

Comments are closed.