04th May2021

ຄອບຄົວການນຳກະຊວງ ປກສ ມອບເຄື່ອງຊຸກຍູ້ໃຫ້ແກ່ກຳລັງ ປກສ

by somchan

ໃນວັນທີ 4 ພຶດສະພາ 2021 ນີ້ ຄອບຄົວບັນດາການນຳ ກະຊວງປ້ອງກັນຄວາມສະຫງົບ ນຳໂດຍທ່ານ ນາງ ພວງວັນ ກອງມະນີ ໄດ້ເຄື່ອນໄຫວມອບເຄື່ອງ ຊຸກຍູ້ ແລະ ພົບປະໂອ້ລົມໃຫ້ກຳລັງໃຈ ແກ່ເຈົ້າໜ້າທີ່ກຳລັງປ້ອງກັນຄວາມສະຫງົບ ທີ່ພວມປະຕິບັດໜ້າທີ່ປ້ອງກັນຄວາມສະຫງົບ ຮັກສາຄວາມເປັນລະບຽບຮຽບຮ້ອຍໃນສັງຄົມ ແລະ ເຮັດວຽກງານປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຢູ່ກອງບັນຊາການປ້ອງກັນເຄື່ອນທີ່, ໂຮງໝໍ 5 ເມສາ ແລະ ກອງບັນຊາການ ປກສ ເມືອງສັງທອງ ນະຄອນຫຼວງວຽງຈັນ.

ເພື່ອເປັນການປະກອບສ່ວນຊຸກຍູ້ທາງດ້ານເຄື່ອງບໍລິໂພກ ທີ່ຈຳເປັນຈຳນວນໜຶ່ງ ໃຫ້ແກ່ກຳລັງປ້ອງກັນຄວາມສະຫງົບ ທີ່ພວມປະຕິບັດໜ້າທີ່ຢູ່ກົມກອງຕ່າງໆເຊັ່ນ: ໄຂ່, ໝີ່, ປາກະປ່ອງ, ກາເຟ, ນ້ຳດື່ມ ແລະ ອື່ນໆ ລວມມູນຄ່າ 25,700,000 ກີບ.

ພ້ອມທັງເປັນການພົບປະ, ປຸກລະດົມ, ຊຸກຍູ້ຈິດໃຈ ແລະ ໃຫ້ກຳລັງໃຈແກ່ເຈົ້າໜ້າທີ່ ກໍຄືກຳລັງປ້ອງກັນຄວາມສະຫງົບ, ທີ່ພວມປະຕິບັດໜ້າທີ່ໃນການປ້ອງກັນຄວາມສະຫງົບ, ຮັກສາຄວາມເປັນລະບຽບຮຽບຮ້ອຍໃນສັງຄົມ ຄ່ຽງຄູ່ກັບວຽກງານປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຢູ່ຕາມຈຸດສຳຄັນຕ່າງໆໃຫ້ມີຜົນສຳເລັດ ແລະ ສາມາດຜ່ານຜ່າອຸປະສັກຕ່າງໆໄປໄດ້ດ້ວຍດີ.

Off

Comments are closed.