04th May2021

ຖະແຫຼງ COVID-19 ປະຈຳວັນທີ 4 ພຶດສະພາ ປີ 2021 ພົບຜູ້ຕິດເຊື້ອໃໝ່ 60 ຄົນ

by somchan

ດຣ. ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ກະຊວງສາທາລະນະສຸກ, ຕາງໜ້າກອງເລຂາ ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19, ໄດ້ຖະແຫຼງໃຫ້ຮູ້ວ່າ: ສະພາບການລະບາດຂອງພະຍາດ COVID-19 ຢູ່ ສປປ ລາວ ມາຮອດປະຈຸບັນ ຄື ໃນວັນທີ 3 ພຶດສະພາ 2021 ໄດ້ເກັບຕົວຢ່າງມາກວດວິເຄາະທັງ ໝົດ 1,463 ຕົວຢ່າງ ຜົນກວດວິເຄາະ ແມ່ນພົບຜູ້ຕິດເຊື້ອໃໝ່ 60 ຄົນ, ໃນນັ້ນມີ    ນະຄອນຫຼວງ 8 ຄົນ, ຈໍາປາສັກ 30 ຄົນ, ບໍ່ແກ້ວ 20 ຄົນ, ສະຫວັນນະເຂດ 1 ຄົນ ແລະ ວຽງຈັນ 1 ຄົນ.   ເຊີ່ງປັດຈຸບັນນີ້ ທົ່ວປະເທດມີຜູ້ຕິດເຊື້ອລວມທັງໝົດ  1,026 ຄົນ; ບໍ່ມີຜູ້ເສຍຊີວີດ, ໃນ​ຈຳ​ນວນ​ຜູ້​ຕິ​ດ​ເຊື້ອ​ທັງ​ໝົດ ແມ່ນໄດ້​ຮັບ​ການປິ່ນປົວຫາຍດີ 60 ຄົນ, ຍັງນອນຕິດຕາມປິ່ນປົວຢູ່ສະຖານທີ່ຄະນະສະເພາະກິດກຳນົດໄວ້ ໃນແ​ຕ່​ລະ​ແຂວງ ຈຳນວນ 966 ຄົນ ເຊັ່ນ: ນະຄອນຫຼວງວຽງຈັນ 606 ຄົນ ໃໝ່ 8ຄົນ, ແຂວງຈຳປາສັກ 151 ຄົນ ໃໝ່ 30ຄົນ, ສຳລັບຄົນເຈັບແຂວງເຊກອງ ແມ່ນນອນ ປິ່ນປົວຢູ່ແຂວງຈຳປາສັກ, ແຂວງບໍ່ແກ້ວ 118 ຄົນ ໃໝ່ 20 ຄົນ, ແຂວງສະຫວັນນະເຂດ 32 ຄົນ ໃໝ່ 1 ຄົນ), ແຂວງຫຼວງພະບາງ 13 ຄົນ, ແຂວງວຽງຈັນ 14 ຄົນ ໃໝ່ 1 ຄົນ, ແຂວງສາລະວັນ 7 ຄົນ, ແຂວງຫຼວງນ້ຳທາ 6 ຄົນ, ແຂວງອຸດົມໄຊ 8 ຄົນ, ແຂວງຜົ້ງສາລີ 3 ຄົນ, ແຂວງໄຊຍະບູລີ 3 ຄົນ, ແຂວງບໍລິຄຳໄຊ 3 ຄົນ, ແຂວງຄຳມ່ວນ 1 ຄົນ ແລະ  ແຂວງຊຽງຂວາງ 1 ຄົນ. ຄົນເຈັບທຸກຄົນ ແມ່ນມີສຸຂະພາບຮ່າງກາຍ ແລະ ສຸຂະພາບຈິດ ສົມບຸນ ປົກກະຕິ ແລະ ທຸກຄົນແຂງແຮງດີ.

ສຳລັບ ການຕິດຕາມ ຜູ້​ເດີນ​ທາງ​ເຂົ້າ​ມາ ສປປ ລາວ  ວັນທີ 3 ພຶດ​ສະ​ພາ  2021 ທົ່ວປະເທດມີຜູ້ເດີນທາງເຂົ້າມາ ທັງໝົດ 907 ຄົນ: ຈຸດຜ່ານດ່ານ ລາວ – ໄທ ທັງໝົດ 772 ຄົນ; ຜ່ານດ່ານສະໜາມບີນວັດໄຕສາກົນ  135 ຄົນ; ທຸກຄົນທີ່ເຂົ້າມາທາງຈຸດຜ່ານແດນ ໃນມື້ວານນີ້ ແມ່ນໄດ້ຜ່ານການວັດແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້, ໄດ້ເກັບຕົວຢ່າງທຸກ​ໆຄົນມາກວດຫາເຊື້ອ COVID-19 ແລະ ນຳສົ່ງໄປຈຳກັດບໍລິເວນຢູ່ສູນທີ່ຄະນະສະເພາະກິດກຳນົດໄວ້.​

ການ​ຈຳ​ກັດ​ບໍ​ລິ​ເວນ ຢູ່ສູນຈຳກັດບໍລິເວນ ປະຈຸບັນ ທົ່ວປະເທດ ມີສູນຈໍາກັດບໍລິເວນທີ່ເປີດນຳໃຊ້ຢູ່ ທັງໝົດ 57 ສູນ,​ ມີຜູ້ຈຳກັດບໍລິເວນທັງໝົດ 3,769 ຄົນ, ທຸກຄົນແມ່ນ​ໄດ້ເກັບຕົວຢ່າງມາກວດວິເຄາະຫາເຊື້ອພະຍາດ COVID-19.

ສ່ວນລາຍລະອຽດ ຂອງຜູ້ຕິດເຊື້ອໃໝ່ 60 ຄົນ ຄືກໍລະນີຢັ້ງຢືນທີ 967-1,026; ໃນນີ້ ສຳລັບຄົນເຈັບກໍລະນີໃໝ່ 8 ຄົນ ທີ່ພົບຢູ່ນະຄອນຫຼວງວຽງຈັນ ກໍ່ລ້ວນແລ້ວແຕ່ ເປັນຜູ້ສຳຜັດໃກ້ຊິດ ກັບຜູ້ຕິດເຊື້ອ ທີ່ກ່ຽວພັນກັບກໍລະນີທີ 59 ເຊັ່ນກັນ.  ສ່ວນ ກໍໍລະນີຕິດເຊື້ອໃໝ່ ຢູ່ແຂວງ ຈຳປາສັກ, ບໍ່ແກ້ວ,​ ສະຫວັນນະເຂດ ແລະ ແຂວງວຽງຈັນ ນັ້ນ ລ້ວນແລ້ວແຕ່ມີປະຫວັດສຳຜັດກັບກໍລະນີຕິດເຊື້ອເກົ່າ ຢູ່ໃນແຂວງຂອງເຂົ້າເຈົ້າ ຄືກັນ.

Off

Comments are closed.