04th May2021

ສືບຕໍ່ປະຕິບັດ ຄຳສັ່ງ ເລກທີ 15/ນຍ ແລະ ບັນດາມາດ ຕະການຕ່າງໆ ໃນການສະກັດກັ້ນ ແລະ ຕ້ານການແຜ່ລະບາດຂອງພະຍາດ COVID-19 ຈົນຮອດວັນທີ 20 ພຶດສະພາ 2021.

by somchan

ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ ໄດ້ຖະແຫຼງກ່ຽວກັບສະພາບການຈັດຕັ້ງ ປະຕິບັດ ຄຳສັ່ງ ເລກທີ 15 ຂອງນາຍົກລັດຖະມົນຕີ ແລະ ບັນດາມາດຕະການຕ່າງໆ ໃນການສະກັດ ນັ້ນ ແລະ ຕ້ານການແຜ່ລະບາດ ຂອງພະຍາດ COVID-19 ຢູ່ ສປປ ລາວ ໃນວັນທີ 4 ພຶດສະພາ 2021 ນີ້ ວ່າ: ນັບຕັ້ງແຕ່ ນາຍົກລັດຖະມົນຕີ ໄດ້ອອກຄຳສັ່ງເລກທີ 15/ນຍ, ຫຼັງຈາກ ພາຍໃນປະເທດລາວ ປະເຊີນກັບການລະບາດຂອງເຊື້ອພະຍາດ COVID-19 ໃນຮອບທີສອງ ໃນ ໄລຍະ 10 ກວ່າວັນມານີ້, ເຫັນວ່າ ທຸກພາກສ່ວນໃນສັງຄົມ ໄດ້ເປັນເຈົ້າການໃຫ້ຄວາມຮ່ວມມື ແລະ ຈັດຕັ້ງປະຕິບັດມາດຕະການຕ່າງໆເຫຼົ່ານັ້ນຢ່າງເຂັ້ມງວດ, ພ້ອມກັນນີ້ ກໍໄດ້ຮັບການຊ່ວຍເຫຼືອ ສະໜັບ ສະໜູນຈາກສັງຄົມ, ອົງການຈັດຕັ້ງ ແລະ ບັນດາປະເທດເພື່ອນມິດ ຈຶ່ງເຮັດໃຫ້ພວກເຮົາສາມາດເອົາ ຊະນະສັດຕູ ໂຕຮ້າຍກາດນີ້ໄດ້ ໃນລະດັບໃດໜຶ່ງ . ໄປຄຽງຄູ່ກັນນີ້ ລັດຖະບານ ກໍ່ໄດ້ຈັດຕັ້ງສັກຢາວັກ ຊິນ ໃຫ້ກຸ່ມເປົ້າໝາຍ, ມາປະຈຸບັນ ໄດ້ສໍາເລັດເຂັມທີ່ ແລະ ເຂັມທີ 2 ໄດ້ເປັນຈໍານວນ ຫຼວງຫຼາຍ.

ທ່ານຮອງນາຍົກລັດຖະມົນຕີ ຍັງໄດ້ກ່າວອີກວ່າ : ອີງໃສ່ສະພາບການລະບາດ ຢູ່ບັນດາປະເທດ ໃນໂລກ ໂດຍສະເພາະປະເທດ ທີ່ມີຊາຍແດນຕິດຈອດກັບປະເທດເຮົາ ແລະ ການແຜ່ລະບາດຢູ່ ພາຍໃນປະເທດຍັງບໍ່ມີທ່າທີວ່າຈະຫຼຸດລົງ ; ດັ່ງນັ້ນ ແຕ່ນີ້ຕໍ່ໄປ ພວກເຮົາຕ້ອງພ້ອມກັນມີສະຕິລະວັງ ຕົວໃຫ້ສູງກວ່າເກົ່າ ແລະ ພ້ອມກັນເອົາໃຈໃສ່ປປະຕິບັດຄໍາສັ່ງເລກທີ 15/ນຍ ແລະ ເຂັ້ມງວດໃນການ ປະຕິບັດມາດຕະການທີ່ຄະນະສະເພາະກິດວາງອອກ, ສືບຕໍ່ປະຕິບັດຄຳສັ່ງ, ຄໍາແນະນໍາ, ແຈ້ງການ ກ່ຽວກັບການເພີ່ມທະວີການປະຕິບັດບັນດາມາດຕະການ ເພື່ອປ້ອງກັນ , ຄວບຄຸມ ແລະ ແກ້ໄຂການ ລະບາດພະຍາດ COVID-19 ຕໍ່ໄປອີກຈົນເຖິງ ວັນທີ 20 ພຶດສະພາ 2021.

Off

Comments are closed.