04th May2021

ສປ ຈີນ ສົ່ງຄະນະຊ່ຽວຊານແພດ ມາຊ່ວຍເຫຼືອ ສປປ ລາວ ໃນການຕ້ານການແຜ່ລະບາດໂຄວິດ-19

by somchan

ວັນທີ 4 ພຶດສະພາ 2021, ທີ່ ສະໜາມບິນສາກົນວັດໄຕ, ໄດ້ມີພິທີຕ້ອນຮັບຄະນະຊ່ຽວຊານແດຈາກ ສປ ຈີນ ເພື່ອມາຊ່ວຍເຫຼືອໃນການຮັບມື ການແຜ່ລະບາດຂອງພະຍາດໂຄວິດ-19 ຮອບໃໝ່ຢູ່ ສປປ ລາວ, ໂດຍການເປັນກຽດ ຕ້ອນຮັບຂອງ ສະຫາຍ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ ແຫ່ງ ສປປ ລາວ, ໂດຍມີ ສະຫາຍ ຈຽງ ຈາຍຕຸງ ເອກອັກຄະລັດຖະທູດ ແຫ່ງ ສປ ຈີນ ປະຈຳ ສປປ ລາວ, ບັນດາລັດຖະມົນຕີ, ຮອງລັດຖະມົນຕີ ຄະນະຊ່ຽວຊານແພດ ແລະ ພະນັກງານກ່ຽວຂ້ອງທັງສອງຝ່າຍເຂົ້າຮ່ວມ.

ໃນໂອກາດນີ້ ສະຫາຍຮອງນາຍົກລັດຖະມົນຕີ ກິແກ້ວ ໄຂຄໍາພິທູນ ໄດ້ຕາງໜ້າ ລັດຖະບານສະແດງຄວາມຍິນດີ ແລະ ຕ້ອນຮັບຄະນະຊ່ຽວຊານແພດຈໍານວນ 25 ສະຫາຍ ທີ່ເດີນທາງມາຈາກແຂວງຢຸນນານ ສປຈີນ ພ້ອມດ້ວຍອຸປະກອນທາງການແພດ ມູນຄ່າ 10 ລ້ານຢວນເພື່ອມາຊ່ວຍເຫຼືອໃນການຮັບມືການແຜ່ລະບາດຂອງ ພະຍາດໂຄວິດ-ຮອບໃໝ່ຢູ່ສປປລາວ ທີ່ໄດ້ມີການຂະຫຍາຍອອກສູ່ວົງກວ້າງຈາກ ນະຄອນຫລວງ ຈາກແຂວງໄປສູ່ເມືອງ ແລະຊຸມຊົນທີ່ມີລັກສະນະຮ້າຍແຮງຂຶ້ນກວ່າ ຄັ້ງທີ່ຜ່ານມາ , ໂດຍສະເພາະຢູ່ນະຄອນຫຼວງວຽງຈັນ ແລະແຂວງຈໍານວນຫນຶ່ງໃນ ຂອບເຂດທົ່ວປະເທດໄດ້ມີຜູ້ຕິດເຊື້ອໂຄວິດ-19 ໃນແຕ່ລະມື້ມີທ່າອ່ຽງເພີ່ມສູງຂຶ້ນເຮັດ ໃຫ້ລັດຖະບານກໍ່ຄືອຳນາດການປົກຄອງທ້ອງຖິ່ນທຸກຂັ້ນຕ້ອງໄດ້ເພີ່ມທະວີການເຝົ້າ ລະວັງ ແລະສຸມທຸກກຳລັງແຮງເພື່ອສະກັດກັ້ນການແຜ່ລະບາດພະຍາດດັ່ງກ່າວ.

ໃນໂອກາດດັ່ງກ່າວ ສະຫາຍຮອງນາຍົກລັດຖະມົນຕີ ກິແກ້ວ ໄຂຄຳພິທູນ ໄດ້ ສະແດງຄວາມຂອບໃຈ ແລະ ຕີລາຄາສູງຕໍ່ການຊ່ວຍເຫຼືອທີ່ທັນການໃນການສະກັດ ກັນການແຜ່ລະບາດຂອງເຊື້ອພະຍາດໂຄວິດ-19 ຂອງສປ ຈີນໃຫ້ແກ່ ສປປລາວໃນ ຄັ້ງນີ້ ແລະ ຄັ້ງທີ່ຜ່ານມາ, ນອກຈາກຈະເປັນການສະແດງເຖິງຄວາມເປັນຫ່ວງເປັນ ໂຍ ແລະຄວາມເອົາໃຈໃສ່ຂອງພັກ , ລັດຖະບານ ແລະປະຊາຊົນຈີນຢ່າງສະເຫມີຕົ້ນ ສະເຫມີປາຍທີ່ມີຕໍ່ພັກ-ລັດ ແລະ ປະຊາຊົນລາວຕະຫຼອດມາ, ພ້ອມນີ້, ລັດຖະບານ ລາວ ຍັງໃຫ້ຄວາມເຊື່ອໝັ້ນຢ່າງໜັກແໜ້ນວ່າ ການເດີນທາງມາຊ່ວຍເຫຼືອໃນຄັ້ງນີ້ ຈະສາມາດເອົາຊະນະໃນການແຜ່ລະບາດຂອງພະຍາດໂຄວິດ-19 ຄືຄັ້ງທີ່ຜ່ານມາ ໄດ້ ຢ່າງແນ່ນອນ.

Off

Comments are closed.