06th May2021

ບໍລິສັດ ພັດທະນາສິນຄ້າ ກະສິກໍາ ມອບເຄື່ອງ ຊ່ວຍເຫລືອຕ້ານພະຍາດໂຄວິດ-19 ໃຫ້ແຂວງສາລະວັນ

by somchan

ໃນວັນທີ 4 ພຶດສະພາ 2021 ບໍລິສັດ ພັດທະນາສິນຄ້າ ກະສິກຳ ໄດ້ມອບເຄື່ອງຊ່ວຍເຫລືອ ເພື່ອປະກອບສ່ວນເຂົ້າໃນວຽກງານຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ໃຫ້ແຂວງສາລະວັນ, ໃນນັ້ນ ປະກອບມີ: ໄຂ່ 1.000 ແຕະ, ນໍ້າດື່ມ 1.000 ແພັກ, ຜ້າອັດປາກ-ດັງ 1 ແກັດ ມີ 50 ກັບ ລວມມູນຄ່າ 41 ລ້ານກີບ. ຕ່າງໜ້າຮັບໂດຍ ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ, ຫົວໜ້າຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ແຂວງ ສາລະວັນ.

ໂອກາດນີ້, ທ່ານຮອງເຈົ້າແຂວງ ກໍໄດ້ສະແດງຄວາມຂອບໃຈ ແລະ ອວຍພອນໄຊໃຫ້ກັບບໍລິສັດ ພັດທະນາສິນຄ້າ ຈົ່ງມີແຕ່ຄວາມສຸກ, ມີຜົນສໍາເລັດໃນການຈັດຕັ້ງປະຕິບັດວຽກງານ, ເຊິ່ງການຊ່ວຍເຫລືອຄັ້ງນີ້, ເປັນການປະກອບສ່ວນສໍາຄັນເຂົ້າໃນການຕ້ານ ແລະ ສະກັດກັ້ນການລະບາດ ຂອງພະຍາດໂຄວິດ-19 ບໍ່ໃຫ້ແຜ່ລາມອອກສູ່ວົງກວ້າງ ແລະ ເຄື່ອງຈຳນວນດັ່ງກ່າວ ແມ່ນຈະນຳໄປມອບໃຫ້ຜູ້ທີ່ປະຕິບັດໜ້າທີ່ຕົວຈິງຢູ່ພາກສະໜາມ ໂດຍສະເພາະ ຈຸດກວດກາຄົນເຂົ້າ-ອອກເມືອງ, ຈຸດກັກບໍລິເວນ ແລະ ກຸ່ມສ່ຽງຕ່າງໆຕາມຄວາມເໝາະສົມ.

 

Off

Comments are closed.