06th May2021

ບໍລິສັດ ລາວ ໂທລະຄົມມະນາຄົມ ມະຫາຊົນ ມອບເງິນສົດ ແລະ ເຄື່ອງບໍລິໂພກ ໃຫ້ ໂຮງໝໍເສດຖາທິລາດ

by somchan

ໃນວັນທີ 5 ພຶດສະພາ 2021 ນີ້ ບໍລິສັດ ລາວ ໂທລະຄົມມະນາຄົມ ມະຫາຊົນ ເຊິ່ງນໍາໂດຍ ທ່ານ ສຸພົນ ຈັນທະວີໄຊ ຜູ້ອໍານວຍການໃຫຍ່ ພ້ອມດ້ວຍຄະນະ ໄດ້ເຂົ້າມອບເຄື່ອງອຸປະຖໍາ ເພື່ອເປັນກໍາລັັງໃຈໃຫ້ກັບທີມແພດໝໍຜູ້ປະຕິບັດໜ້າທີ່ປ້ອງກັນ, ຄວບຄຸມ ແລະ ປິ່ນປົວຜູ້ປ່ວຍຕິດພະຍາດ COVID-19 ຢູ່ໂຮງໝໍເສດຖາທິລາດ.

ເຄື່ອງທີ່ມາມອບໃນຄັ້ງນີ້ປະກອບມີ ເງິນສົດ 10,000,000 ກີບ, ເຄື່ອງບໍລິໂພກມີ ອາຫານແຫ້ງ ແລະ ນໍ້າດື່ມ ມູນຄ່າ 5,720,000 ກີບ, ພ້ອມນີ້ຍັງມີເບີ Net sim + Data ລວມມູນຄ່າ 11,520,000 ກີບ ເພື່ອນໍາໃຊ້ເຂົ້າໃນການຕິດຕໍ່ປະສານວຽກງານວິຊາສະເພາະໃຫ້ມີຄວາມສະດວກສະບາຍ ແລະ ວ່ອງໄວ ລວມມູນຄ່າທັງໝົດ 27,240,000 ກີບ ເຊິ່ງກ່າວຮັບໂດຍ ທ່ານ ດຣ. ຄໍາຫຼ້າ ຈູມລິວົງ ຄະນະອຳນວຍການ ຜູ້ຊີ້ນໍາວຽກງານຄຸ້ມຄອງ COVID-19 ພ້ອມດ້ວຍຄະນະ.

ໃນໂອກາດນີ້ ດຣ. ຄໍາຫຼ້າ ຈູມລິວົງ ກໍ່ໄດ້ກ່າວຄຳຂອບໃຈມາຍັງບໍລິສັດລາວ ໂທລະຄົມມະນາຄົມ ມະຫາຊົນ ທີ່ໄດ້ສະແດງຄວາມເປັນຫ່ວງເປັນໄຍຕໍ່ຄະນະທີມງານແພດໝໍ ແລະ ໃຫ້ການຊ່ວຍເຫຼືອໃນຄັ້ງນີ້ ໂດຍທ່ານໃຫ້ຄຳໝັ້ນສັນຍາວ່າຈະນຳໃຊ້ໃຫ້ເກີດຜົນປະໂຫຍດສູງສຸດ.

 

Off

Comments are closed.