06th May2021

ຄອບຄົວການນຳກະຊວງ ປກສ ສືບຕໍ່ມອບເຄື່ອງຊຸກຍູ້ໃຫ້ແກ່ກຳລັງ ປກສ

by somchan

 

ໃນວັນທີ 5 ພຶດສະພາ 2021 ນີ້ ຄອບຄົວບັນດາການນຳ ກະຊວງປ້ອງກັນຄວາມສະຫງົບ ນຳໂດຍທ່ານ ນາງ ພວງວັນ ກອງມະນີ ພ້ອມດ້ວຍທີມງານໄດ້ເຄື່ອນໄຫວມອບເຄື່ອງ ຊຸກຍູ້ ແລະ ພົບປະໂອ້ລົມໃຫ້ກຳລັງໃຈ ແກ່ເຈົ້າໜ້າທີ່ກຳລັງປ້ອງກັນຄວາມສະຫງົບ ທີ່ພວມປະຕິບັດໜ້າທີ່ປ້ອງກັນຄວາມສະຫງົບ ຮັກສາຄວາມເປັນລະບຽບຮຽບຮ້ອຍໃນສັງຄົມ ແລະ ເຮັດວຽກງານປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຢູ່ 3 ຈຸດຄື ຈຸດນາລ້ອງ ເມືອງຫາດຊາຍຟອງ ເຊື່ອມຕໍ່ໃສ່ເມືອງປາກງື່ມ ຕາງຫນ້າຮັບໂດຍ ພັທ ແສງທອງ ເກື້ອບຸນລ່ຳ ຫົວຫນ້າກອງບັນຊາການ ປກສ ເມືອງຫາດຊາຍຟອງ, ຈຸດບ້ານສົມສະຫວາດ ເມືອງປາກງື່ມ ເຊື່ອມຕໍ່ໃສ່ເມືອງທ່າພະບາດ ຕາງຫນ້າຮັບໂດຍ ພັທ ອາທອນ ລິດປັນຍາ ຮອງກອງບັນຊາການ ປກສ ເມືອງປາກງື່ມ,

 ຈຸດບ້ານຄຸດສາມບາດເມືອງໄຊທານີ ເຊື່ອມຕໍ່ໃສ່ ບ້ານດຸງເມືອງທຸລະຄົມແຂວງວຽງຈັນ ຕາງຫນ້າຮັບໂດຍ ພັທ ສົມພອນ ວົງສາ ຫົວຫນ້າກອງບັນຊາການ ປກສ ເມືອງໄຊທານີ ເຄື່ອງທີ່ນຳມາມອບໃນຄັ້ງນີ້ ປະກອບມີ ນ້ຳດື່ມ , ຫມີ່ສຳເລັດຮູບ, ກະປ໋ອງປາ ,ເຄື່ອງດື່ມບຳລຸງກຳລັງ, ກາເຟ ,ຜ້າອັດປາກດັງ,ເຈວລ້າງມື   ລວມມູນຄ່າ 15 ລ້ານກີບ ຈຸດປະສົງການມອບເຄື່ອງໃນຄັ້ງນີ້ ເປັນການ, ປຸກລະດົມ, ຊຸກຍູ້ຈິດໃຈ ແລະ ໃຫ້ກຳລັງໃຈແກ່ເຈົ້າໜ້າທີ່ ກໍຄືກຳລັງປ້ອງກັນຄວາມສະຫງົບ, ທີ່ພວມປະຕິບັດໜ້າທີ່ໃນການປ້ອງກັນຄວາມສະຫງົບ, ຮັກສາຄວາມເປັນລະບຽບຮຽບຮ້ອຍໃນສັງຄົມ ຄ່ຽງຄູ່ກັບວຽກງານປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຢູ່ຕາມຈຸດສຳຄັນຕ່າງໆໃຫ້ມີຜົນສຳເລັດ ແລະ ສາມາດຜ່ານຜ່າອຸປະສັກຕ່າງໆໄປໄດ້ດ້ວຍດີ.

ໂອກາດນີ້ ທັງ 3 ພາກສ່ວນ ກໍ່ໄດ້ສະແດງຄວາມຂອບໃຈ ຕໍ່ຄອບຄົວການນຳ ກຳລັງ ປ້ອງກັນຄວາມສະຫງົບ ທີ່ມີຄວາມເປັນຫ່ວງເປັນໄຍ ໃຫ້ການຊຸກຍູ້ໃນການປະຕິບັດຫນ້າທີ່.

Off

Comments are closed.