07th May2021

ໂຮງໝໍທະຫານແຂວງໄຊຍະບູລີ ຈັດຕັ້ງປະຕິບັດໃນການຕ້ານ ແລະ ສະກັດກັ້ນພະຍາດ ໂຄວິດ 19

by somchan

ພັນໂທ ບຸນລົ້ນ ສຸກຜາລີ ຮອງຜູ້ອໍານວຍການໂຮງໝໍທະຫານແຂວງໄຊຍະບູລີ ທັງເປັນຄະນະໜ່ວຍສະເພາະກິດຂັ້ນແຂວງໄດ້ໃຫ້ສຳພາດວ່າ: ປັດຈຸປັນໂຮງໝໍທະຫານແຂວງ ໄດ້ກຽມຄວາມພ້ອມຮອບດ້ານໃນການຈັດຕັ້ງປະຕິບັດມາດຕະການຕ້ານ ແລະ ສະກັດກັ້ນພະຍາດໂຄວິດ-19ບໍ່ໃຫ້ແຜ່ຂະຫຍາຍເປັນວົງກວ້າງ ໂດຍໄດ້ຈັດຕັ້ງໜ່ວຍປະຈຳການແຕ່ລະວັນ,ການປະຕິບັດໜ້າທີ່ແມ່ນໄດ້ເຮັດຈຸດກັ່ນກອງຄົນເຈັບກ່ອນທີ່ຈະເຂົ້າມາກວດຢູ່ເຂດນອກ ຫຼື ຫ້ອງສຸກເສີນ, ທຸກຄົນທີ່ເຂົ້າມາກວດຈະຕ້ອງໄດ້ລ້າງມືໃຫ້ສະອາດ ຫຼັງຈາກນັ້ນກໍ່ໄດ້ວັດແທກອຸນຫະພູມ ແລະ ຮັກສາໄລຍະຫ່າງ 1 ຫາ 2 ແມັດ, ພ້ອມທັງໃສ່ຜ້າອັດປາກ-ດັງ, ຖ້າມີອາການໄຂ້, ໄອ, ເຈັບຄໍ ແລະ ຜູ້ທີ່ມາແຕ່ບ່ອນສ່ຽງຕໍ່ການຕິດເຊື້ອພະຍາດໂຄວິດ 19 ແມ່ນໄດ້ນຳສົ່ງໄປກວດຢູ່ທີ່ຫ້ອງກວດຂອງທາງໂຮງໝໍແຂວງໄຊຍະບູລີ. ໃນການຈັດຕັ້ງປະຕິບັດຜ່ານມາເຫັນໄດ້ວ່າພະນັກງານ-ນາຍ ແລະ ພົົນທະຫານ ຕະຫຼອດຮອດປະຊາຊົນຜູ້ທີ່ມາໃຫ້ບໍລິການຢູ່ໂຮງໝໍທະຫານແຂວງໄຊຍະບູລີແມ່ນໃຫ້ຄວາມຮ່ວມມືເປັນຢ່າງດີ.

ພ້ອມດຽວກັນນີ້ ທ່ານຍັງໄດ້ຮຽກຮ້ອງໃຫ້ນາຍ-ພົນທະຫານ ແລະ ປະຊາຊົນບັນດາເຜົ່າຜູ້ທີ່ມາໃຊ້ບໍລິການຢູ່ໂຮງໝໍທະຫານແຂວງໄຊຍະບູລີ ຈົ່ງພ້ອມກັນຈັດຕັ້ງປະຕິບັດຕາມຄຳແນະນຳຂອງແພດ-ໝໍ ທັ້ງນີ້ກໍ່ເພື່ອພ້ອມກັນຕ້ານ ແລະ ສະກັດກັ້ນພະຍາດ ໂຄວິດ 19 ບໍ່ໃຫ້ແຜ່ລາມເປັນວົງກວ້າງຢູ່ພາຍໃນແຂວງໄຊຍະບູລີ.

Off

Comments are closed.