07th May2021

ກຳລັງວິຊາສະເພາະມອບອາວຸດເສິກ, ອາວຸດລ່າເນື້ອທີ່ຜິດກົດໝາຍ ໃຫ້ກອງບັນຊາການ ປກສ ແຂວງໄຊສົມບູນ.

by somchan

ໃນວັນທີ 4 ພຶດສະພາ 2021 ນີ້ ກອງພັນປ້ອງກັນເຄື່ອນທີ່ແຂວງໄຊສົມບູນ ໄດ້ນຳເອົາເຄື່ອງທີ່ ກໍາລັງວິຊາສະເພາະຂອງກອງພັນປ້ອງກັນເຄື່ອນທີ່ ກອງບັນຊາການ ປກສ ແຂວງໄຊສົມບູນ ໄດ້ລົງສົມທົບກັບ ກອງບັນຊາການ ປກສ ເມືອງທ່າໂທມຕັ້ງຈຸດກວດກາຄົນເຂົ້າ-ອອກສະຫວ່າງເມືອງ, ພາຫະນະ,ເຄື່ອງຂອງທີ່ຜິດກົດໝາຍທຸກປະເພດ ແລະ ຄົນບໍ່ດີ ທີ່ມີການເຄື່ອນໄຫວພົວພັນເຖິງຄວາມບໍ່ສະຫງົບຢູ່ເມືອງທ່າໂທມ, ແຂວງໄຊສົມບູນ ເລີ່ມແຕ່ວັນທີ 8 ມີນາ 2021 ຫາ ວັນທີ 10 ເມສາ 2021 ຜ່ານການຈັດຕັ້ງປະຕິບັດ ສາມາດຢຶດອາວຸດເສິກ, ອາວຸດລ່າເນື້ອ ແລະ ເຄື່ອງຂອງທີ່ຜິິດກົດໝາຍມາໄດ້ດັ່ງປະກອບມີ: ປືນ AK ຈໍານວນ 01 ກະບອກ, CKC ຈໍານວນ 01 ກະບອກ, ປືນກຼາບີ່ນ 01 ກະບອກ, ປືນລູກຊອງ 04 ກະບອກ, ປືນແວ່ງ 01 ກະບອກ, ປືນລົມ 02 ກະບອກ, ປືນແກັບ 30 ກະບອກ, ປືນສັ້ນ 01 ກະບອກ, ໝໍ້ຊ໋ອດປາ 07 ເຄື່ອງ, ຈັກສະຕິ່ນ 07 ເຄື່ອງ ແລະ ອາວຸດມີຄົມຈຳນວນໜຶ່ງ ມາມອບໃຫ້ກອງບັນຊາການ ປກສ ແຂວງເພື່ອເກັບຮັກສາ ແລະ ຄຸ້ມຄອງໄວ້ ຕາງໜ້ານໍາມາມອບໃນຄັ້ງນີ້ໂດຍ ພັທ ແກ້ວປະເສີດ ໄຊຍະສານ ຫົວກອງພັນປ້ອງກັນເຄື່ອນທີ່ ປກສ ແຂວງ ຕາງໜ້າຮັບໂດຍ ພັທ ອິນປັນ ຍາດຕິວົງ ຮອງກອງບັນຊາການ ປກສ ແຂວງ ເຂົ້າຮ່ວມມີບັນບັນດາຫ້ອງວິຊາສະເພາະ ແລະ ວິຊາການທີ່ກ່ຽວຂ້ອງເປັນສັກຂີພະຍານ.

 

Off

Comments are closed.