07th May2021

ຄອບຄົວການນຳກະຊວງ ປກສ ມອບເຄື່ອງອຸປະໂພກ-ບໍລິໂພກໃຫ້ກົມສື່ມວນຊົນ ແລະ ກົມໂຄສະນາອົບຮົມ ປກສ

by somchan

ໃນວັນທີ 7 ພຶດສະພາ 2021 ນີ້ ຄອບຄົວການນຳກະຊວງປ້ອງກັນຄວາມສະຫງົບ ນຳໂດຍ ທ່ານ ນາງ ບົວວັນ ກອງມະນີ ພ້ອມດ້ວຍຄະນະໄດ້ນຳເອົາເຄື່ອງອຸປະໂພກ ແລະ ບໍລິໂພກ, ທີ່ໄດ້ຈາກການລະດົມ ແລະ ຮັບການຊ່ວຍເຫຼືອຈາກບໍລິສັດ,  ຫ້າງຮ້ານຕ່າງໆ ມາມອບຕໍ່ໃຫ້ກົມສື່ມວນຊົນ ແລະ ກົມໂຄສະນາອົບຮົມ ປ້ອງກັນຄວາມສະຫງົບ ເພື່ອນຳໃຊ້ເຂົ້າໃນການຈັດຕັ້ງປະຕິບັດໜ້າທີ່ ໃນໄລຍະປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 , ເປັນຕົ້ນແມ່ນ ເປັນກະບອກສຽງໃຫ້ແກ່ພັກ-ລັດຖະບານ ໃນການໂຄສະນາໃຫ້ຄວາມຮູ້ກ່ຽວກັບຂໍ້ມູນຂ່າວສານຕ່າງໆ ເພື່ອປ້ອງກັນຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໃນແຕ່ລະວັນໃຫ້ປະຊາຊົນບັນດາເຜົ່າໄດ້ຮັບຮູ້ຢ່າງທົ່ວເຖິງ

ເຊິ່ງເຄື່ອງທີ່ນຳມາມອບໃຫ້ໃນຄັ້ງນີ້ ປະກອບມີຜ້າປິດປາກ-ດັງ 2,000 ກັບ,​ນ້ຳດື່ມ 50 ແພັກ, ໝີ່ 32 ແກັດ ລວມມູນຄ່າ 5 ລ້ານກວ່າກີບ, ຕາງໜ້າຄອບຄົວການນຳກະຊວງປ້ອງກັນຄວາມສະຫງົບ ມອບໂດຍທ່ານ ນາງ ບົວວັນ ກອງມະນີ ແລະ ຕາງໜ້າຄະນະພັກ, ຄະນະບັນຊາກົມສື່ມວນຊົນ ແລະ ກົມໂຄສະນາອົບຮົມ ປ້ອງກັນຄວາມສະຫງົບ ຮັບໂດຍ ພັອ ພອນສະຫວັນ ອຸດົມເພັດ ຮອງຫົວໜ້າກົມສື່ມວນຊົນປ້ອງກັນຄວາມສະຫງົບ, ພ້ອມນີ້ ທ່ານກໍ່ໄດ້ສະແດງຄວາມຂອບໃຈ ແລະ ຮູ້ບຸນຄຸນ ນຳຄອບຄົວການນຳ ກະຊວງປ້ອງກັນຄວາມສະຫງົບ ທີ່ໄດ້ນຳເອົາເຄື່ອງອຸປະໂພກ-ບໍລິໂພກ ມາຊຸກຍູ້ໃນຄັ້ງນີ້ ໂດຍເຄື່ອງຈຳນວນດັ່ງກ່າວຈະໄດ້ນຳໃຊ້ປະກອບສ່ວນເຂົ້າໃນການປະຕິບັດໜ້າທີ່ວຽກງານວິຊາສະເພາະໃຫ້ໄດ້ຮັບໝາກຜົນສູງສຸດ.

ນອກນີ້ ຄອບຄົວການນຳກະຊວງປ້ອງກັນຄວາມສະຫງົບ ຍັງໄດ້ນຳເອົາເຄື່ອງຈຳນວນໜຶ່ງໄປມອບໃຫ້ກອງບັນຊາການ ປກສ ນະຄອນຫຼວງວຽງຈັນ, ກອງບັນຊາການ ປກສ ເມືອງນາຊາຍທອງຕື່ມອີກ.

Off

Comments are closed.