08th May2021

ເຈົ້າແຂວງສະຫວັນນະເຂດ ລົງຕິດຕາມການປະຕິບັດວຽກງານຂອງຄະນະສະເພາະກິດ ເມືອງຈໍາພອນ

by somchan

ໃນວັນທີ 6 ພຶດສະພາ ນີ້, ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ພ້ອມດ້ວຍຄະນະສະເພາະກິດຂັ້ນແຂວງ ໄດ້ລົງຕິດຕາມ ແລະ ຊຸກຍູ້ການຈັດຕັ້ງປະຕິບັດວຽກງານຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ເມືອງຈໍາພອນ ໂດຍມີ ທ່ານ ຄຳລຸຍ ຍາດຕິວົງ ເຈົ້າເມືອງຈຳພອນ ພ້ອມຄະນະສະເພາະກິດຂັ້ນເມືອງ ໃຫ້ການຕ້ອນຮັບ.

ໃນໂອກາດນີ້, ຄະນະສະເພາະກິດຂັ້ນເມືອງ ໄດ້ລາຍງານຜົນການຈັດຕັ້ງປະຕິບັດນັບຕັ້ງແຕ່ ວັນທີ 28 ເມສາ 2021 ຈົນເຖິງວັນທີ 5 ພຶດສະພາ 2021 ວ່າ: ທົ່ວເມືອງຈໍາພອນ ມີຈຸດກວດກາທັງໝົດ 13 ຈຸດ, ມີຜູ້ຜ່ານດ່ານກວດກາທັງໝົດ 911 ຄົນ, ຍິງ 151 ຄົນ; ສົ່ງກັບຄືນຫາຄອບຄົວ 47 ຄົນ, ຍິງ 7 ຄົນ. ຜ່ານມາສາມາດກັກຕົວແຮງງານທີ່ເດີນທາງກັບມາຈາກປະເທດເພື່ອນບ້ານໄດ້ 24 ຄົນ ແລະ ສົ່ງໃຫ້ສູນຫລັກ 4 ນະຄອນໄກສອນ ພົມວິຫານ ເພື່ອຈຳກັດບໍລິເວນ.

ຈາກນັ້ນ, ທ່ານ ສັນຕິພາບ ພົມວິຫານ ກໍໄດ້ກ່າວຍ້ອງຍໍຊົມເຊີຍຕໍ່ຄະນະສະເພາະກິດຂັ້ນເມືອງ ແລະ ພະນັກງານທີ່ກ່ຽວຂ້ອງທຸກພາກສ່ວນ, ພ້ອມທັງຮຽກຮ້ອງໃຫ້ທຸກຄົນຈົ່ງມີສະຕິ ແລະ ຫ້າວຫັນໃນການປະຕິບັດໜ້າທີ່ວຽກງານຕໍ່ໄປ ເພື່ອຢຸດການລະບາດຂອງພະຍາດໂຄວິດ-19 ພາຍໃນເມືອງ ກໍຄືແຂວງສະຫວັນນະເຂດ. ທັງນີ້ ກໍເພື່ອເຮັດໃຫ້ຊີວິດການເປັນຢູ່ຂອງປະຊາຊົນກັບຄືນສູ່ສະພາບປົກກະຕິ.

Off

Comments are closed.