08th May2021

ແຂວງຫລວງນໍ້າທາ ໄດ້ຮັບເຄື່ອງຊ່ວຍເຫລືອປ້ອງກັນໂຄວິດ-19

by somchan

ວັນທີ 6 ພຶດສະພາ ຜ່ານມາ, ອົງການບໍລິຫານປະຈຳວັນ ເຂດຮ່ວມມືເສດຖະກິດບໍ່ຫ່ານ ສປ ຈີນ ມອບຜ້າອັດປາກ-ດັງ ຈຳນວນ 100 ແກັດ ລວມມີ 100.000 ອັນ ໃຫ້ແຂວງຫລວງນໍ້າທາ, ເຊິ່ງຕາງໜ້າມອບໂດຍ ນາງ ປິ່ນແກ້ວ ວິວັນໄຊ ຮອງຫົວໜ້າຄຸ້ມຄອງ ເຂດເສດຖະກິດບໍ່ເຕ່ນ ແລະ ກ່າວຮັບໂດຍ ທ່ານ ຄຳໄຫລ ສີປະເສີດ ເຈົ້າແຂວງຫລວງນ້ຳທາ ແລະ ໃນວັນດຽວກັນ, ທ່ານ ຄຳຟອງ ອິນມະນີ ຮອງເລຂາພັກແຂວງ ຫົວໜ້າຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19 ແຂວງຫລວງນ້ຳທາ ກໍໄດ້ຮັບເຄື່ອງຊ່ວຍເຫລືອຈາກ ບໍລິສັດຊາຊິນຈິງ ສົ່ງເສີມກະສິກຳປູກຊາເມືອງລອງ ຈຳກັດ ເຊິ່ງປະກອບມີ: ນ້ຳດື່ມ 50 ແພັກ, ປ່ອງປາ 4 ແກັດ, ໝີ່ສຳເລັດຮູບ 4 ແກັດ, ນ້ຳມັນພຶດ 4 ແກັດ, ໂອວັນຕິນ 2 ແກັດ, ໄຂ່ໄກ່ 2 ແກັດ, ຜ້າອັດປາກ-ດັງ 6 ແກັດ ແລະ ເງິນສົດ 20 ລ້ານກີບ ລວມເປັນເງິນທັງໝົດ 32 ລ້ານກີບ, ເຊິ່ງມອບໂດຍ ທ່ານ ຊຽວຈຽນ ຕຶງກວາງຈຽນ ຫົວໜ້າບໍລິສັດຊາຊິນຈິງ ສົ່ງເສີມກະສິກຳປູກຊາເມືອງລອງຈຳກັດ.

ໃນໂອກາດນີ້, ບັນດາການນຳແຂວງຫລວງນໍ້າທາ ຕ່າງກໍໄດ້ສະແດງຄວາມຊົມເຊີຍມາຍັງບໍລິສັດ ແລະ ພາກສ່ວນອື່ນໆທີ່ມີຈິດໃຈສັດທາປະກອບສ່ວນດ້ານວັດຖຸ ແລະ ປັດໃຈ ໃຫ້ແກ່ແຂວງຫລວງນ້ຳທາເພື່ອນຳໃຊ້ເຂົ້າໃນວຽກງານປ້ອງກັນ ແລະ ສະກັດກັ້ນການລະບາດຂອງພະຍາດ ໂຄວິດ-19, ພ້ອມທັງຢືນຢັນວ່າ ຈະນຳເອົາເຄື່ອງຊ່ວຍເຫລືອດັ່ງກ່າວ ໄປແຈກຢາຍໃຫ້ແກ່ປະຊາຊົນ ແລະ ພະນັກງານທີ່ປະຕິບັດໜ້າທີ່ໃນໄລຍະການລະບາດຂອງພະຍາດໂຄວິດ-19 ນີ້.

Off

Comments are closed.