08th May2021

ຊາວໜຸ່ມກະຊວງ ປກສ ມອບເຄື່ອງຊ່ວຍເຫຼືອໃຫ້ສູນຮັບຕ້ອນ ກົມໃຫຍ່ການເມືອງ ປກສ ຮັບໃຊ້ວຽກງານຕ້ານໂຄວິດ-19

by somchan

ວັນທີ 7 ພຶດສະພາ 2021, ຄະນະບໍລິຫານງານຊາວໜຸ່ມກະຊວງ ປກສ ໄດ້ມອບອຸປະກອນປ້ອງກັນພະຍາດໂຄວິດ-19 ໃຫ້ສູນຮັບຕ້ອນ ແລະ ຝຶກອົບຮົມວິຊາສະເພາະ ກົມໃຫຍ່ການເມືອງ ປກສ ເພື່ອປ້ອງກັນ, ສະກັດກັ້ນ ແລະ ຕ້ານການແພ່ລະບາດຂອງພະຍາດໂຄວິດ-19.

ອຸປະກອນປ້ອງກັນພະຍາດໂຄວິດ-19 ທີ່ນຳມາມອບຄັ້ງນີ້ ລວມມີ ສະເປນ້ຳຢາຂ້າເຊື້ອພະຍາດ 20 ຕຸກ,ຜ້າປິດປາກ-ດັງ 1 ແກັດ, ນ້ຳຢາລ້າງມື ແລະ ອື່ນໆ ລວມມູນຄ່າ 2.500.000 ກີບ; ກ່າວມອບໂດຍ ພັທ ບຸນຈັນ ອິນພົມມາ ເລຂາຄະນະບໍລິຫານງານຊາວໜຸ່ມ ກະຊວງ ປກສ, ກ່າວຮັບໂດຍ ພັທ ພາແກ້ວ ວິພົນຮຽນ ຫົວໜ້າສູນຮັບຕ້ອນ ແລະ ຝຶກອົບຮົມວິຊາສະເພາະ ກົມໃຫຍ່ການເມືອງ ປກສ ໂດຍການເຂົ້າຮ່ວມຂອງ ພັອ ສີເພົ້າ ບຸນຍາເລີດ ຮອງຫົວໜ້າຫ້ອງການກົມໃຫຍ່ການເມືອງ ປກສ ພ້ອມດ້ວຍຄະນະທັງສອງພາກສ່ວນ.

ໃນໂອກາດນີ້, ພັທ ພາແກ້ວ ວິພົນຮຽນ ຫົວໜ້າສູນຮັບຕ້ອນ ແລະ ຝຶກອົບຮົມວິຊາສະເພາະກົມໃຫຍ່ການເມືອງ ປກສ ໄດ້ສະແດງຄວາມຂອບໃຈ ຕໍ່ຄະນະບໍລິຫານງານຊາວໜຸ່ມ ກະຊວງ ປກສ ທີ່ໄດ້ນຳເອົາອຸປະກອນມາມອບໃຫ້ໃນຄັ້ງນີ້ ແລະ ຈະນຳເອົາອຸປະກອນດັ່ງກ່າວ ໄປແຈກຢາຍໃຫ້ພະນັກງານນັກຮົບທີ່ປະຕິບັດໜ້າທີ່ວຽກງານ ເພື່ອປ້ອງກັນການແຜ່ລະບາດຂອງເຊື້ອພະຍາດໂຄວິດ-19.

Off

Comments are closed.