09th May2021

ວັນທີ 09 ພຶດສະພາ ປີ 2021 ພົບຜູ້ຕິດເຊື້ອໃໝ່ 69 ຄົນ ເສຍຊີວິດ 1

by somchan

ດຣ.​ ນ ລັດສະໝີ ວົງຄຳຊາວ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງ ສາທາລະນະສຸກ ໄດ້ຕາງໜ້າກອງເລຂາ ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19, ຖະແຫຼງຂ່າວສະພາບການການລະບາດຂອງພະຍາດ  COVID-19  ຢູ່ ສປປ ລາວ ປະຈຳວັນອາທິດ ວັນທີ 09 ພຶດສະພາ ປີ 2021 ວ່າ: ສະພາບການລະບາດ​ຂອງ​ພະ​ຍາດ COVID-19 ຢູ່ ສປປ ລາວ ມາຮອດປະຈຸບັນ ມີລາຍ​ງານຜູ້ຕິດເຊື້ ທັງໝົດ  1,302 ຄົນ  ໃນນີ້ ຜູ້ຕິດເຊື້ອໃໝ່ 69 ຄົນ ແລະ ເສຍຊີວີດ 1 ຄົນ ໃນວັນທີ 08 ພຶດສະພາ 2021 ໄດ້ເກັບຕົວຢ່າງມາກວດວິເຄາະ ທັງໝົດ 6,827 ຕົວຢ່າງ ຜົນກວດວິເຄາະແມ່ນ ພົບຜູ້ຕິດເຊື້ອໃໝ່ 69 ຄົນ, ລາຍລະອຽດຄື: ນະຄອນຫຼວງ 16 ຄົນ, ຈໍາປາສັກ 3 ຄົນ, ບໍ່ແກ້ວ 46 ຄົນ ແລະ ສະຫວັນນະເຂດ 4 ຄົນ. ວຽກງານການຈຳກັດບໍລິເວນ ຢູ່ສູນຈຳກັດບໍລິເວນ ປະຈຸບັນ ທົ່ວປະເທດ ມີສູນຈໍາກັດບໍລິເວນທີ່ເປີດນຳໃຊ້ຢູ່ ທັງໝົດ 46 ສູນ, ມີຜູ້ຈຳກັດບໍລິເວນທັງໝົດ 3,055 ຄົນ, ທຸກຄົນແມ່ນໄດ້ເກັບຕົວຢ່າງມາກວດວິເຄາະຫາເຊື້ອພະຍາດ COVID-19.  ​ໃນ​ຈຳ​ນວນ​ຜູ້​ຕິ​ດ​ເຊື້ອ​ທັງ​ໝົດ ແມ່ນໄດ້​ຮັບ​ການປິ່ນປົວຫາຍດີ ທັງໝົດ 232 ຄົນ, ສຳລັບມື້ວານນີ້ປິ່ນປົວຫາຍດີ 78 ຄົນ ແລະ ຍັງນອນຕິດຕາມປິ່ນປົວຢູ່ສະຖານທີ່ຄະນະສະເພາະກິດກຳນົດໄວ້ໃນ​ຕ່​ລະ​ແຂວງ ຈຳນວນ 1,069 ຄົນ.

ສ່ວນລາຍລະອຽດຂອງຜູ້ຕິດເຊື້ອໃໝ່ 69 ຄົນ (ກໍລະນີຢັ້ງຢືນທີ 1,234 – 1,302); ສຳລັບຄົນເຈັບຕິດເຊື້ອໃໝ່ 69 ຄົນ, ໃນນັ້ນ 62 ຄົນ ແມ່ນຕິດເຊື້ອໃນຊຸມຊົນທີ່ພົວພັນກັບຜູ້ຕິດເຊື້ອເກົ່າທີ່ຜ່ານມາ ແລະ 7 ຄົນ ແມ່ນກໍລະນີນຳເຂົ້າຈາກຕ່າງປະເທດ ຄື ຢູ່ແຂວງສະຫວັນນະເຂດ 4 ຄົນ ແລະ ແຂວງຈຳປາສັກ 3 ຄົນ.

ຮສ. ດຣ. ບົວເທບ ພູມິນ ຮອງຫົວໜ້າກົມປິ່ນປົວ ແລະ ຟື້ນຟູໜ້າທີ່ການ ກະຊວງ ສາທາ ລະນະສຸກ ໄດ້ຕາງໜ້າກອງເລຂາ ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19 ຍັງໄດ້ໃຫ້ຮູ້ອີກວ່າ:

 

Off

Comments are closed.