12th May2021

ຫຼາຍພາກສ່ວນສືບຕໍ່ມອບເງິນ ແລະ ເຄື່ອງປ້ອງກັນໂຄວິດ ໃຫ້ແຂວງ ໄຊຍະບູລີ

by somchan

ໃນວັນທີ 11 ພຶດສະພາ ນີ້, ທີ່ຫ້ອງວ່າການແຂວງ ໄຊຍະບູລີ ບັນດາບໍລິສັດ ແລະ ພະແນກການອ້ອມຂ້າງແຂວງ ໄດ້ນໍາເງິນສົດ ແລະ ເຄື່ອງຊ່ວຍເຫຼືອເພື່ອນໍາໃຊ້ເຂົ້າໃນການຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ເຊັ່ນ: ຜ້າອັດປາກ-ດັງ, ຈຽວລ້າງມື, ນໍ້າດື່ມ, ກາເຟ ແລະ ມີ່ແຫ້ງ ມາມອບໃຫ້ ຄະນະສະເພາະກິດປ້ອງກັນ, ຕ້ານ ແລະ ສະກັດກັ້ນການແຜ່ລະບາດຂອງພະຍາດ ໂຄວິດ-19 ແຂວງ ໄຊຍະບູລີ,

ໃນນັ້ນ ມີບໍລິສັດ ຊໍການຊ່າງ ມອບເງິນສົດ ຈໍານວນ 5 ແສນບາດ ແລະ ເຄື່ອງຊ່ວຍເຫຼືອ ມູນຄ່າ 5 ລ້ານກີບ, ມີ ບໍລິສັດ ໄຊຍະບຸລີ ພາວເວີ ຈໍາກັດ ມອບເງິນສົດຈໍານວນ 5 ແສນບາດ, ບໍລິສັດ ເກດສະຫນາ ກໍ່ສ້າງ ຂົວ-ທາງ ຈໍານວນ 5 ລ້ານກີບ, ພະແນກ ກະສິກໍາແຂວງ ຈໍານວນ 1 ລ້ານກີບ, ພະແນກການຄ້າແຂວງ ຈໍານວນ 1 ລ້ານກີບ, ທະນາຄານພັດທະນາລາວ 8 ແສນກີບ, ອົງການໄອຍະການແຂວງ  5 ແສນກີບ ແລະ ສານປະຊາຊົນແຂວງ  5 ແສນກີບ, ຕາງຫນ້າຮັບໂດຍມີ ທ່ານ ເພັດພິໄຊ ສູນວິໄລ ຮອງ ເຈົ້າແຂວງ, ຫົວຫນ້າຄະນະສະເພາະກິດຂັ້ນແຂວງ ແລະ ທ່ານ ພອນສະຫວັນ ໄຊສົມພັນ ຫົວຫນ້າຫ້ອງວ່າການ ແຂວງ ໄຊຍະບູລີ

Off

Comments are closed.