13th May2021

ບໍລິສັດຟໍເຕ-ໂຕໂກລາວ ປະກັນໄພ ມອບເງິນ ຊ່ວຍເຫລືອຕ້ານໂຄວິດ-19

by somchan

ໃນວັນທີ 12 ພຶດສະພາ 2021 ນີ້, ບໍລິສັດຟໍເຕ-ໂຕໂກລາວ ປະກັນໄພ ຈຳກັດ ໄດ້ມອບເງິນຈຳນວນ 10 ລ້ານກີບ ໃຫ້ກະຊວງຖະແຫ່ງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ເພື່ອນຳໃຊ້ເຂົ້າໃນວຽກງານປ້ອງກັນ ແລະ ຕ້ານການລະບາດຂອງພະຍາດໂຄວິດ-19 ຢູ່ ສປປ ລາວ ຕາງໜ້າມອບໂດຍ ທ່ານ ຣິໂຣກິ ໂອກາໂມໂຕະ ຫົວໜ້າຝ່າຍບໍລິຫານ ຂອງບໍລິສັດຟໍເຕ-ໂຕໂກລາວ ປະກັນໄພ ຈຳກັດ ແລະ ຕາງໜ້າຮັບໂດຍ ທ່ານນາງ ສວນສະຫວັນ ວິຍະເກດ ລັດຖະມົນຕີກະຊວງ ຖະແຫ່ງຂ່າວ, ວັດທະນະທຳ ແລະ ທ່ອງທ່ຽວ, ມີພາກສ່ວນກ່ຽວຂ້ອງສອງຝ່າຍ ເຂົ້າຮ່ວມ.

ໂອກາດນີ້, ທ່ານນາງ ສວນສະຫວັນ ວິຍະເກດ ໄດ້ກ່າວສະແດງຄວາມຂອບໃຈມາຍັງບໍລິສັດດັ່ງກ່າວ ທີ່ນຳເອົາເງິນມາມອບໃຫ້ໃນຄັ້ງນີ້, ພ້ອມທັງຢືນຢັນ ຈະນຳເອົາເງິນທີ່ໄດ້ຮັບໃນຄັ້ງນີ້, ໄປນຳໃຊ້ເຂົ້າໃນວຽກງານຕ້ານການ ລະບາດຂອງພະຍາດໂຄວິດ-19 ໃຫ້ເກີດຜົນປະໂຫຍດສູງສຸດ ໂດຍສະເພາະນຳໄປໝູນໃຊ້ເຂົ້າໃນວຽກງານຕ້ານໂຄວິດ-19 ຢູ່ພາຍໃນ ກະຊວງຖະແຫ່ງຂ່າວ, ວັດທະນະທຳ ແລະ ທ່ອງທ່ຽວ ໃຫ້ມີປະສິດທິພາບ ແລະ ປະສິດທິຜົນສູງສຸດ.

Off

Comments are closed.