13th May2021

ກົມໃຫຍ່ການເມືອງປ້ອງກັນຄວາມສະຫົງບຮັບເຄື່ອງຊ່ວຍເຫຼືອ ມູນຄ່າ 10 ລ້ານກີບ

by somchan

ໃນວັນທີ 13 ພຶດສະພານີ້ ທ່ານ ຊອມ ຕັນ ຟູ ຍູ ນັກທຸລະກິດ ຢູ່ບ້ານ ອາກາດ ເມືອງ ສີໂຄດຕະບອງ ນະຄອນຫຼວງວຽງຈັນ ໄດ້ນໍາເອົາຫມີ່ໄວໆ 100 ແກັດ, ປ໋ອງປາ 40 ແພັກ, ຜ້າອັດປາກ-ດັງ 50 ກັບ ລວມມູນຄ່າ 10 ລ້ານກີບ ມາມອບໃຫ້ ກົມໃຫຍ່ການເມືອງ ປ້ອງກັນຄວາມສະຫົງບ, ເພື່ອເປັນການປະກອບສ່ວນເຂົ້າໃນວຽກງານຕ້ານ ແລະ ສະກັດກັ້ນການລະບາດພະຍາດໂຄວິດ-19. ກໍຄືວຽກງານປ້ອງກັນຄວາມສະຫົງບ, ຕາງຫນ້າຮັບໂດຍ ພົຈວ ຄໍາສາຍ ຈັນທະວົງ ຮອງຫົວຫນ້າກົມໃຫຍ່ການເມືອງປ້ອງກັນຄວາມສະຫົງບ.

ໂອກາດນີ້ ພົຈວ ຄໍາສາຍ ຈັນທະວົງ ກໍໄດ້ກ່າວສະແດງຄວາມຂອບໃຈຕໍ່ທ່ານ ຊອມ ຕັນ ຟູ ຍູ ທີ່ໄດ້ຊ່ວຍເຫຼືອໃນຄັ້ງນີ້ ທັງເປັນການປະກອບສ່ວນອັນສໍາຄັນເຂົ້າໃນ ວຽກງານປ້ອງກັນຄວາມສະຫົງບກໍຄືວຽກງານປ້ອງກັນ ແລະ ສະກັດກັ້ນພະຍາດໂຄວິດ-19.

Off

Comments are closed.