14th May2021

2 ພາກສ່ວນຊຸກຍູ້ອຸປະກອນປ້ອງກັນການແຜ່ລະບາດພະຍາດໂຄວິດ-19 ໃຫ້ກະຊວງ ປກສ

by somchan

ໃນວັນທີ 14 ພຶດສະພາ 2021, ທ່ານ ນາງ ວົງຈັນ ບົວແພງ ເຈົ້າຂອງໂຮງແຮມລາວເທວ ແລະ ຮ້ານຄໍາເພົ້າສັ່ງໄດ້ ໄດ້ນໍາເອົາເຄື່ອງອຸປະໂພກ-ບໍລິໂພກ ມາມອບໃຫ້ກະຊວງປ້ອງກັນຄວາມສະຫງົບ ເພື່ອນຳໃຊ້ເຂົ້າໃນວຽກງານປ້ອງກັນ ສະກັດກັ້ນການແຜ່ລະບາດຂອງພະຍາດໂຄວິດ-19. ເຄື່ອງທີ່ນຳມາມອບມີ ຜ່າອັດປາກ-ອັດດັງ ຈໍານວນ 150 ກັບ, ເຈວລ້າງມື 1 ແກັດ, ໝີ່ໄວໆ 10 ແກັດ ແລະ ນໍ້າດື່ມ ຈໍານວນ 12 ແພັກ ລວມມູນຄ່າ ເກືອບ 5 ລ້ານກີບ ຕາງໜ້າຮັບໂດຍ ພົຈວ ປອ ສຸວັນນີ ສີສຸພາບມີໄຊ ຮອງຫົວໜ້າກົມໃຫຍ່ການເມືອງ ປ້ອງກັນຄວາມສະຫງົບ ພ້ອມຄະນະ.

ໂອກາດດັ່ງກ່າວ ພົຈວ ປອ ສຸວັນນີ ສີສຸພາບມີໄຊ  ໄດ້ສະແດງຄວາມຂອບໃຈມາຍັງສອງພາກສ່ວນທີ່ໃຫ້ການຊຸກຍູ້ຊ່ວຍເຫຼືອໃນຄັ້ງນີ້ ແລະ ຈະນຳເອົາເຄື່ອງຈຳນວນດັ່ງກ່າວໄປແຈກຍ້າຍໃຫ້ກຳລັງປ້ອງກັນຄວາມສະຫງົບ ທີ່ປະຕິບັດໜ້າທີ່ວິຊາສະເພາະ ກໍຄື ການສະກັດກັ້ນ ການແຜ່ລະບາດຂອງພະຍາດໂຄວິດ-19 ໃຫ້ເກີດປະໂຫຍດສູງສຸດ.

Off

Comments are closed.