15th May2021

ຫລາຍພາກສ່ວນມອບການຊ່ວຍເຫລືອໃຫ້ແຂວງຈໍາປາສັກ ຕ້ານການລະບາດພະຍາດໂຄວິດ-19

by somchan

ທ້າຍອາທິດຜ່ານມານີ້ ຫ້ອງວ່າການ ແຂວງຈຳປາສັກ ໄດ້ມີພິທີມອບ-ຮັບ ການຊ່ວຍເຫລືອໃຫ້ແຂວງຈໍາປາສັກ ເພື່ອຮັບໃຊ້ເຂົ້າໃນ ວຽກງານປ້ອງກັນ, ຄວບຄຸມ ແລະ ສະກັດກັ້ນການລະບາດ ພະຍາດໂຄວິດ-19 ຈາກຫລາຍພາກສ່ວນ ຄື: ທະນາຄານຮ່ວມ ພັດທະນາ (JDB) ມອບເງິນ 100.000.000 ກີບ, ຕາງໜ້າກ່າວມອບໂດຍ, ທ່ານ ອານັນ ມີມາລາ ຫົວໜ້າໜ່ວຍບໍລິການປາກເຊ (JDB); ບໍລິສັດ ໂຕໂຢຕ້າລາວ ຈຳກັດ ມອບເງິນ 100.000.000 ກີບ, ຕາງໜ້າກ່າວມອບໂດຍ, ທ່ານ ບຸນຫລາຍ ແກ້ວບຸນທັນ ຫົວໜ້າບໍລິຫານ ແລະ ຈັດການສາງລົດ ບໍລິສັດ ໂຕໂຢຕ້າລາວ ຈຳກັດ ປະຈຳສາງປາກເຊ ແລະ ກຸ່ມ ບໍລິສັດ ໄຊຊະນະ ຈຳກັດຜູ້ດຽວ ມອບເງິນເບື້ອງຕົ້ນ 30.000.000 ກີບ, ກ່າວມອບໂດຍ ທ່ານ ໄຊຊະນະ ວິຊາເທບ ປະທານ ກຸ່ມ ບໍລິສັດ ໄຊຊະນະ ຈຳກັດຜູ້ດຽວ. ເປັນກຽດກ່າວຮັບ ໂດຍ ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ພ້ອມດ້ວຍຄະນະ, ມີ ຄະນະສະເພາະກິດສະກັດກັ້ນ, ຄວບຄຸມ ແລະ ແກ້ໄຂ ການລະບາດຂອງພະຍາດ ໂຄວິດ-19 ແຂວງຈໍາປາສັກ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

 

Off

Comments are closed.