15th May2021

ສະມາຄົມຊາວຈີນ ພົ້ນທະເລ ສືບຕໍ່ປະກອບສ່ວນຊ່ອຍເຫລືອຕ້ານໂຄວິດ-19

by somchan

ໃນວັນທີ 13 ພຶດສະພາ 2021 ທີ່ຫ້ອງວ່າການສໍານັກງານນາຍົກລັດຖະມົນຕີ ສະມາຄົມຊາວຈີນພົ້ນທະເລ ປະຈໍາ ສປປ ລາວ ໄດ້ສືບຕໍ່ປະກອບສ່ວນ ມອບເງິນຊ່ວຍເຫລືອ ໃຫ້ລັດຖະບານ ຈໍານວນ 100 ລ້ານກີບ. ເພື່ອນໍາໃຊ້ເຂົ້າໃນວຽກງານ ການປ້ອງກັນຄວບຄຸມ ແລະ ແກ້ໄຂ ການແຜ່ລະບາດຂອງ ເຊື້ອພະຍາດໂຄວິດ-19  ມອບໂດຍ ທ່ານ ເລັ່ງ ສະຫວັນວາລີ ປະທານສະມາຄົມຊາວຈີນ ພົ້ນທະເລ ປະຈໍາ ສປປ ລາວ ແລະ ເປັນກຽດຮັບໂດຍ ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ.

ໃນໂອກາດນີ້, ທ່ານຮອງນາຍົກລັດຖະມົນຕີ ໄດ້ຕາງໜ້າພັກ ແລະ ລັດຖະບານ ກໍຄືຄະນະສະເພາະກິດ ໄດ້ສະແດງຄວາມ ຂອບອົກ ຂອບໃຈ ຕໍ່ການປະກອບສ່ວນຊ່ວຍເຫລືອໃນຄັ້ງນີ້, ເປັນການສະແດງເຖິງຄວາມມີນໍ້າໃຈໃນຍາມທີ່ປະເທດພົບກັບວິກິດໄພພິບັດແບບນີ້ ແລະຄວາມເຂົ້າໃຈຂອງພາກເອກະຊົນຕໍ່ຄວາມອັນຕະລາຍຮ້າຍແຮງຂອງການລະບາດພະຍາດ ໂຄວິດ-19 ຮອບໃໝ່ ຢູ່ປະເທດເຮົາ. ທ່ານຮອງນາຍົກ ລັດຖະມົນຕີ ຢືນຢັນວ່າຈະນໍາເງິນທີ່ໄດ້ຮັບຄັ້ງນີ້, ໄປໝູນໃຊ້ໃຫ້ເກີດປະໂຫຍດສູງສຸດ ເພື່ອຕ້ານ ແລະ ສະກັດກັ້ນພະຍາດໂຄວິດ-19 ທີ່ພວມລະບາດ ຢູ່ສປປ ລາວ ໃຫ້ຫລຸດລົງ ແລະ ກັບຄືນສູ່ສະພາບປົກກະຕິໂດຍໄວ.

ແລະ ເມື່ອບໍ່ດົນຜ່ານມາ ປະທານສະມາຄົມຊາວຈີນ ພົ້ນທະເລປະຈໍາ ສປປ ລາວ ຍັງໄດ້ມອບເງິນຊ່ວຍເຫລືອ ໃຫ້ຫ້ອງວ່າ ການປົກຄອງ ນະຄອນຫລວງວຽງຈັນ ຈໍານວນ 50 ລ້ານກີບ ແລະ ມອບໃຫ້ກະຊວງປ້ອງກັນ ຄວາມສະຫງົບ ຈໍານວນ 30 ລ້ານກີບ.

 

Off

Comments are closed.