18th May2021

ບໍລິສັດ ສະຫວັນ ປາຊີຟີກກາ ດີເວີລົບເມັ້ນ ຈຳກັດ ມອບຜ້າປິດປາກ ແລະ ເຈວລ້າງມື ຕ້ານພະຍາດໂຄວິດ-19ໃຫ້ ປກສ ແຂວງສະຫວັນນະເຂດ

by somchan

ໃນວັນທີ 17 ພຶດສະພາ 2021 ນີ້, ບໍລິສັດ ສະຫວັນ ປາຊີຟີກກາ ດີເວີລົບເມັ້ນ ຈຳກັດ, ນຳເອົາເຄື່ອງອຸປະກອນການແພດມາມອບໃຫ້ກອງບັນຊາການ ປກສ ແຂວງສະຫວັນນະເຂດ, ເຄື່ອງທີ່ນຳມາມອບໃນຄັ້ງນີ້ຄື: ມີຜ້າປິດປາກ-ປິດດັງຈຳນວນ 500 ກ່ອງ ແລະ ເຈວລ້າງມື 100 ຕຸກ, ລວມມູນຄ່າ 15,500,000 ກີບ, ເພື່ອຊຸກຍູ້ ແລະ ປະກອບສ່ວນ ເຂົ້າໃນການປະຕິບັດໜ້າທີ່ວຽກງານຂອງກຳລັງປ້ອງກັນຄວາມສະຫງົບ  ແຂວງ,

ເພື່ອຊ່ວຍຕ້ານ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 ຢູ່ແຂວງສະຫວັນນະເຂດ, ມອບໂດຍ ທ່ານ ຕິ ຊິເຊັງ ປະທານບໍລິສັດ ສະຫວັນ ປາຊີຟີກກາ ດີເວີລົບເມັ້ນ ຈຳກັດ ຮັບໂດຍ ທ່ານ ພັອ ສົມໝາຍ ພົມມະຈັນ ຫົວໜ້າກອງບັນຊາການ ແຂວງ, ທັງເປັນຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດພະຍາດ COVID-19 ຂັ້ນ ແຂວງ, ມີຄະນະພັກກອງບັນຊາເຂົ້າຮ່ວມ.

ໂອກາດນີ້, ທ່ານ ພັອ ສົມໝາຍ ພົມມະຈັນ  ໄດ້ສະແດງຄວາມຂອບໃຈ ແລະຊົມເຊີມມາຍັງ ບໍລິສັດ ສະຫວັນ ປາຊິຟີກກາ ດີເວີລົບເມັ້ນ ຈຳກັດ ທີ່ໄດ້ປະກອບສ່ວນ ແລະ ໃຫ້ການສະໜັບສະໜູນ ເຂົ້າໃນວຽກງານ ສະກັດກັ້ນ, ຄວບຄຸມ ແລະແກ້ໄຂການລະບາດພະຍາດ COVID-19 ແລະທັງເປັນການປະກອບສ່ວນຊຸກຍູ້ອ້າຍນ້ອງກຳລັງປ້ອງກັນຄວາມສະຫງົບທີ່ກຳລັງເຄື່ອນໄຫວປະຕິບັດໜ້າທີ່ ແລະ ຂໍຢັ້ງຢືນຍັນວ່າ ຈະນໍາໃຊ້ ເຄື່ອງຊ່ວຍເຫຼືອ ດັ່ງກ່າວ ໄປນຳໃຊ້ເຂົ້າໃນວຽກງານວິຊາສະເພາະໃຫ້ເກີດຜົນປະໂຫຍດສູງສຸດ.

Off

Comments are closed.