18th May2021

ປະກາດສ້າງຕັ້ງຄະນະພັກຮາກຖານ ຄ້າຍຄຸມຂັງ-ດັດສ້າງ ຂື້ນກັບຄະນະພັກ ປກສ ແຂວງອຸດົມໄຊ

by somchan

ການປະກາດສ້າງຕັ້ງຄະນະພັກຮາກຖານຄ້າຍຄຸມຂັງ-ດັດສ້າງ ປກສ ແຂວງທີ່ຂຶ້ນກັບຄະນະພັກກອງບັນຊາການ ປກສ ອຸດົມໄຊໄດ້ຈັດຂຶ້ນໃນວັນທີ 13 ພຶດສະພາ 2021 ນີ້ ພັທ ສອນວິໄລ ຕຸລາທອງ ຄະນະປະຈຳພັກ,ຮອງກອງບັນຊາການ ປກສ ແຂວງ ມີພະນັກງານບັນຊາແຕ່ລະຂັ້ນພ້ອມດ້ວຍພະນັກງານຫຼັກແຫຼ່ງພາຍໃນຄ້າຍເຂົ້າຮ່ວມ.

   ໃນໂອກາດດັ່ງກ່າວ ນີ້ສະຫາຍ ພັທ ບຸນເພັງ ສັນທະລາພອນ ຄະນະພັກກອງບັນຊາການ ປກສ ແຂວງ ໄດ້ສະຫຼຸບວຽກງານປະຈຳໄຕມາດ 01  ແລະ ທິດທາງແຜນການປະຈຳໄຕມາດ 02 ເຊິ່ຝໄດ້ຍົກດ້ານດີ-ຜົນງານຂອງການເຄື່ອນໄຫວຈັດຕັ້ງປະຕິບັດໜ້າທີ່ວຽກງານໄລຍະ 03 ເດືອນຜ່ານມາ ກໍ່ຄື:ການຊີ້ນຳ-ນຳພາລວມ,ດ້ານການເມືອງແນວຄິດ,ວຽກງານກໍ່ສ້າງພັກ-ກໍ່ສ້າງພະນັກງານ,ວຽກງານວິຊາສະເພາະ ແລະ ຂະບວນການດ້ານຕ່າງໆ ບັນລຸຜົນສຳເລັດຫຼາຍດ້ານເຊິ່ງເລີ່ມແຕ່ສ້າງຕັ້ງໜ່ວຍພັກຮອດປະຈຸບັນໂດຍພາຍໃຕ້ການຊີ້ນຳ-ນຳພາຂອງອົງຄະນະພັກກອງບັນຊາການ ປກສ ແຂວງກໍ່ໄດ້ຮັບການປັບປຸງ  ແລະເຕີບໃຫຍ່ຂະຫຍາຍຕົວເປັນກ້າວໆມາ, ຄະນະພັກໄດ້ນຳພາສະມາຊິກພັກ ສ້າງປະຖົມປັດໃຈເພື່ອກຽມພ້ອມໃນການສ້າງຕັ້ງຄະນະພັກຮາກຖານຢ່າງຖືກຕ້ອງຕາມເງື່ອນໄຂ ແລະ ກົດລະບຽບຂອງພັກ,ໃນໄຕມາດຜ່ານມາຄັດເລື່ອກມະຫາຊົນຜູ້ທີ່ມີຄວາມກ້າວໜ້າຂະຫຍາຍເຂົ້າເປັນສະມາຊິກພັກສຳຮອງໄດຈຳນວນ 11 ສະຫາຍ,ຍິງ 01 ສະຫາຍ,ຮຽນກົດລະບຽບພັກ 06 ສະຫາຍ,ຍິງ 02 ສະຫາຍ, ສະເໜີຮຽນສະໜັບສະໜູນພັກ 04 ສະຫາຍ, ຍິງ 01ສະຫາຍ ແລະ ອື່ນໆ.ຈາກນັ້ນ ພັທ ທອງພັນ ວິລະຈິດ ຮອງຫ້ອງການເມືອງ ປກສ ແຂວງກໍ່ໄດ້ຜ່ານມະຕິຕົກລົງຂອງຄະນະພັກກອງບັນຊາການ ປກສ ແຂວງ ວ່າດ້ວຍການສ້າງຕັ້ງຄະນະພັກຮາກຖານຄ້າຍຄຸມຂັງ-ດັດສ້າງ ຂຶ້ນກັບຄະນະພັກກອງບັນຊາການ ປກສ ແຂວງອຸດົມໄຊ

   ໂອກາດດຽວກັນ ພັທ ສອນວິໄລ ຕຸລາທອງ ຄະນະປະຈໍາພັກ ຮອງກອງບັນຊາການ ປກສ ແຂວງໄດ້ກ່າວສະແດງຄວາມຍ້ອງຍໍຊົມເຊີຍຕໍ່ການບຸກບືນສູ້ຊົນຂອງຄະນະບັນຊາຄ້າຍຄຸມຂັງ-ດັດສ້າງ ປກສ ແຂວງສາມາດຍາດໄດ້ຜົນງານທີ່ເປັນຂີດໝາຍອັນສຳຄັນຄັ້ງນີ້ບັນລຸຜົນສຳເລັດ ແລະ ຮຽກຮ້ອງໃຫ້ຄະນະພັກສືບຕໍ່ເອົາໃຈໃສ່ໃນການຄົ້ນຄ້ວາກຳແໜ້ນກ່ຽວກັບຂໍ້ກຳນົດກົດລະບຽບຂອງພັກໃຫ້ເລິກເຊີ່ງ ຫັນເອົາວຽກງານປັບປຸງກໍ່ສ້າງພັກ-ກໍ່ສ້າງພະນັກງານໃຫ້ສອດຄ່ອງກັບສະພາບເງື່ອນໄຂໃໝ່ ເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ການເມືອງໃນປະຈຸບັນ ໂດຍສະເພາະແມ່ນກໍ່ສ້າງທາງດ້ານການເມືອງແນວຄິດ,ກໍ່ສ້າງທາງດ້ານການຈັດຕັ້ງ,ເຂັ້ມງວດດ້ານລະບຽບວິໄນ,ພົ້ນເດັ່ນໃນການເຄື່ອນໄຫວປະຕິບັດໜ້າທີ່ວິຊາສະເພາະ ແລະ ພ້ອມກັນພັດທະນາກາຍເປັນໜ່ວຍ ພັກປອດໄສ,ເຂັ້ມແຂງ,ໜັກແໜ້ນ ຢ່າງເປັນຮູບປະທຳເທື່ອລະກ້າວ.

Off

Comments are closed.