18th May2021

ວັນທີ 18 ພຶດສະພາ 2021 ພົບຜູ້ຕິດເຊື້ອໃຫມ່ 49 ຄົນ

by somchan

ດຣ.​ ສີສະຫວາດ ສຸດທານິລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງ ສາທາລະນະສຸກ ໄດ້ຕາງໜ້າກອງເລຂາ ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19, ຖະແຫຼງຂ່າວສະພາບການການລະບາດຂອງພະຍາດ  COVID-19  ຢູ່ ສປປ ລາວ ປະຈຳວັນອັງຄານ ວັນທີ 18 ພຶດສະພາ ປີ 2021 ວ່າ:  ຜ່ານການກວດວິເຄາະຫາເຊື້ອພະຍາດໂຄວິດ-19 ຈາກການເກັບຕົວຢ່າງກຸ່ມສ່ຽງໃນຂອບເຂດທົ່ວປະເທດ ທັງຫມົດ 1.977 ຕົວຢ່າງ; ພົບວ່າມີຜູ້ຕິດເຊື້ອໃຫມ່ເພີ່ມອີກ 49 ຄົນ; ໃນນັ້ນ ຢູ່ນະຄອນຫຼວງວຽງຈັນ 8 ຄົນ ເຊິ່ງແຕ່ລະຄົນແມ່ນມີປະຫວັດການເຄື່ອນໄຫວສຳຜັດກັບບຸກຄົນທີ່ຕິດເຊື້ອທີ່ມີການຢັ້ງຢືນໃນໄລຍະຜ່ານມາ; ສ່ວນຢູ່ແຂວງບໍ່ແກ້ວ ມີ 26  ຄົນ ເປັນການຕິດເຊື້ອໃນຊຸມຊົນ ແລະ ຢູ່ແຂວງຈຳປາສັກ ມີ 15 ຄົນ ເຊິ່ງທັງຫມົດແມ່ນແຮງງານລາວທີ່ກັບຈາກຕ່າງປະເທດ ແລະ ໄດ້ມີການກັກຕົວຢູ່ສູນກັກກັນທີ່ຄະນະສະເພາະກິດຂອງແຂວງກຳນົດໄວ້.

      ໂອກາດດຽວກັນ ດຣ ຄຳໃສ ເດດລືໄຊ ຮອງອຳນວຍການໂຮງຫມໍມະໂຫສົດ ທັງເປັນຜູ້ຊີ້ນຳການປິ່ນປົວຜູ້ຕິດເຊື້ອພະຍາດໂຄວິດ-19 ຢູ່ໂຮງຫມໍພາກສະໜາມ ສູນກິລາຫ້ວຍຫົງ; ກໍໄດ້ລາຍງານສະພາບການຮັບ ແລະ ປິ່ນປົວຜູ້ຕິດເຊື້ອພະຍາດໂຄວິດ-19 ຢູ່ສະຖານທີ່ດັ່ງກ່າວ ເຊິ່ງລາຍລະອຽດທ່ານໄດ້ກ່າວວ່າ:

Off

Comments are closed.