20th May2021

ຮອງຫົວຫນ້າກົມໃຫຍ່ ການເມືອງ ປກສ ລົງຊຸກຍູ້ການຈັດຕັ້ງມາດຕະການການແຜ່ລະບາດຂອງພະຍາດໂຄວິດ19 ຢູ່ກອງບັນຊາການປ້ອງກັນສູນກາງ

by somchan

ໃນວັນທີ 19 ພຶດສະພາ 2021 ນີ້ ພຈົວ ປອ ສຸວັນນີ ສີສຸພາບມີໄຊ ຮອງຫົວຫນ້າກົມໃຫຍ່ ການເມືອງ ຫົວຫນ້າ ອະນຸກໍາມະການປ້ອງກັນ ຄວບຄຸມ ເເລະ ການເເກ້ໄຂການແຜ່ລະບາດຂອງ ພະຍາດໂຄວິດ 19 ກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ໄດ້ລົງກວດກາຊຸກຍູ້ ການຈັດຕັ້ງປະຕິບັດ ມາດຕະການ ການແຜ່ລະບາດຂອງພະຍາດໂຄວິດ 19 ຢູ່ກອງບັນຊາການປ້ອງ ກັນສູນກາງ ໂດຍການຕ້ອນຮັບຂອງ ພຈົວ ສົມພົງ ຂໍວິລຸນ ຫົວຫນ້າ ກອງບັນຊາການປ້ອງກັນສູນ ກາງ ມີບັນດາ ພະນັກງານນັກຮົບເຂົ້າຮ່ວມ.

ການລົງກວດກາຊຸກຍູ້ ການຈັດຕັ້ງປະຕິບັດ ມາດຕະການໃນຄັ້ງນີ້ ພຈົວ ປອ ສຸວັນນີ ສີສຸພາບມີໄຊ ໄດ້ຮັບຟັງລາຍງານ ກ່ຽວກັບການຈັດຕັ້ງປະຕິບັດງານຂອງຫນ່ວຍສະເພາະກິດ ປ້ອງກັນການແຜ່ລະບາດຂອງພະຍາດໂຄວິດ 19 ຢູ່ກອງບັນຊາການປ້ອງກັນສູນກາງ 12 ຈາກ ພັອ ຄ່ໍາເກື້ອງ ຜີວວັນນາ ຮອງກອງບັນຊາປ້ອງກັນສູນກາງ ນັບແຕ່ໄດ້ຮັບຄໍາສັ່ງຈາກຂັ້ນເທີງຄະນະກອງບັນຊາການກໍ່ໄດ້ແຕ່ງຕັ້ງຫນ່ວຍສະເພາະກິດຂື້ນ ໄດ້ຕັ້ງຈຸດກວດກາວັດແທກອຸນະພູມ ຂອງ ບຸກຄົນເຂົ້າ – ອອກ ໃນສໍານັກງານ,ອົງການ ແລະ ບັນດາຕາມຈຸດຕ່າງໆ ເພື່ອເຝົ້າລະວັງ – ຕິດຕາມ ກວດກາ ແລະ ກໍາແຫນ້ນສະພາບ ພ້ອມທັງລາຍງານໃຫ້ຂັ້ນເທິງໄດ້ຮັບຊາບເປັນແຕ່ລະໄລຍະ

ໂອກາດນີ້ ພຈົວ ປອ ສຸວັນນີ ສີສຸພາບມີໄຊ ກໍ່ໄດ້ເນັ້ນຫນັກໃຫ້ຄະນະພັກ ຄະນະບັນຊາ , ແລະ ຫນ່ວຍສະເພາະກິດ ຈົ່ງເພີ່ມຄວາມເຂັ້ມງວດໃນການຈັດຕັ້ງປະຕິບັດມາດຕະການຢ່າງເຂັ້ມງວດູ,

ກວດກາ ການເຂົ້າ – ອອກ , ຖ້າຫາກພົບເຫັນກໍລະນີສົງໄສ ແມ່ນຮີບດ່ວນແຈ້ງຕໍ່ຄະນະສະເພາະກິດ,ສືບຕໍ່ ປຸກລະດົມໃຫ້ພະນັກງານນັກຮົບພາຍໃນກົມກອງ ໃຫ້ເຂົ້າເຖີງການສັກວັກຊິນຢ່າງທົ່ວເຖີງ ເພື່ອເພີ່ມ ພູມຄຸ້ມກັນໃຫ້ຮ່າງກາຍ ,ເພື່ອເຮັດໃຫ້ວຽກງານຕ້ານ ແລະ ສະກັດກັ້ນ ການແຜ່ລະບາດຂອງພະຍາດ ໂຄວິດ 19 ໄດ້ຮັບປະສິດທິຜົນສູງ.

 

Off

Comments are closed.