22nd May2021

ທີມງານມັງກອນທອງ ຮ່ວມໃຈຕ້ານໄພໂຄວິດ 19 ມອບນໍ້າດື່ມ 200 ແພັກ ໃຫ້ຫ້ອງສັນຕິບານ ກອງບັນຊາການ ປກສ ນະຄອນຫຼວງວຽງຈັນ

by somchan

ໃນວັນທີ 20 ພຶດສະພາ 2021 ທ່ານ ວັດທະນາໄຊ ລາດສະວົງສິນ ພ້ອມດ້ວຍທີມງານມັງກອນທອງ ຮ່ວມໃຈຕ້ານໄພໂຄວິດ 19 ໄດ້ນຳເຄື່ອງບໍລິໂພກປະເພດ ນ້ຳດື່ມ 200 ແພັກ, ມູນຄ່າ 2,300,000 ກີບ ມາມອບໃຫ້ ຫ້ອງສັນຕິບານ ປກສ ນະຄອນຫຼວງວຽງຈັນ ເພື່ອປະກອບສ່ວນເຂົ້າໃນການປະຕິບັດໜ້າທີ່ສະກັດກັ້ນ ແລະ ຕ້ານພະຍາດໂຄວິດ-19 ຕາງໜ້າຮັບໂດຍ ພັທ ສັງວານ ຂາວປະເສີດ ຫົວຫນ້າຫ້ອງສັນຕິບານ ປກສ ນະຄອນຫຼວງວຽງຈັນ ພ້ອມດ້ວຍຄະນະ.

ທ່ານ ວັດທະນາໄຊ ລາດສະວົງສິນ ໄດ້ກ່າວວ່າ ເຄື່ອງທີ່ນຳມາມອບໃຫ້ໃນຄັ້ງນີ້ ເພື່ອເປັນການປະກອບສ່ວນເຂົ້າໃນວຽກງານປ້ອງກັນຄວາມສະຫງົບ ນະຄອນຫລວງວຽງຈັນ ໃນການປະຕິບັດຫນ້າທີ່ວຽກງານ ໂດຍສະເພາະແມ່ນການຕ້ານ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ 19.

ໃນໂອກາດດຽວກັນ ພັທ ສັງວານ ຂາວປະເສີດ ຫົວຫນ້າຫ້ອງສັນຕິບານ ປກສ ນະຄອນຫຼວງວຽງຈັນ ໄດ້ສະແດງຄວາມຂອບໃຈມາຍັງທີມງານ ມັງກອນທອງ ທີ່ເຫັນໄດ້ຄວາມສຳຄັນຂອງວຽກງານປ້ອງກັນຄວາມສະຫງົບ ແລະ ໄດ້ເສຍສະຫຼະທຶນຮອນປະກອບສ່ວນຊຸກຍູ້ໃນຄັ້ງນີ້ ແລະ ຈະນຳເອົາເຄື່ອງບໍລິໂພກຈຳນວນດັ່ງກ່າວໄປແຈກຍາຍໃຫ້ພະນັກງານ-ນັກຮົບ ທີ່ກຳລັງປະຕິບັດຫນ້າທີ່ ຢູ່ບັນດາຈຸດຕ່າງໆໃຫ້ທົ່ວເຖິງ ເພື່ອພ້ອມກັນສູ້ຊົນເຮັດໃຫ້ຊາວນະຄອນຫຼວງວຽງຈັນ ກັບຄືນສູ່ສະພາບປົກກະຕິໂດຍໄວ.

Off

Comments are closed.