22nd May2021

ຊົມເຊີຍທີມແພດໂຮງໝໍແຂວງຫຼວງພະບາງ ປີ່ນປົວຜູ້ຕິດເຊື້ອໂຄວິດ-19 ຫາຍດີທຸກຄົນ ແລ້ວ

by somchan

ວັນທີ 21 ພຶດສະພາ 2021, ໂຮງໝໍແຂວງຫຼວງພະບາງ ໄດ້ສົ່ງຜູ້ຕິດເຊື້ອພະຍາດໂຄວິດ-19 ທີ່ນອນປີ່ນປົວແຍກປ່ຽວ ຢູ່ໂຮງໝໍ ຈໍານວນ 7 ຄົນ ກັບຄືນໄປຈໍາກັດບໍລິເວນຢູ່ເຮືອນ ພາຍຫຼັງປິ່ນປົວດີ ແລະກວດຫາເຊື້ອບໍ່ພົບ 2 ຄັ້ງຕິດຕໍ່ກັນ.

ດຣ ທອງພຸດ ສຸກກະເສີມ ອໍານວຍການໂຮງໝໍແຂວງຫຼວງພະບາງ ໃຫ້ຮູ້ວ່າ: ນັບແຕ່ ວັນທີ 24 ເມສາ 2021ມາຮອດປັດຈຸບັນ ໂຮງໝໍແຂວງຫຼວງພະ ບາງ ໄດ້ຮັບເອົາຜູ້ຕິດເຊື້ອໂຄວິດ-19 ທັງໝົດ 13 ຄົນ.ໃນນັ້ນ, ຍິງ 9 ຄົນ ແລະ ເດັກນ້ອຍ 2 ຄົນ, ມາຈາກນະຄອນຫຼວງພະບາງ ມີ 8 ຄົນ ແລະ ເມືອງຊຽງເງິນ 5 ຄົນ, ຈາກການທຸ່ມເທເຫື່ອແຮງສະຕິປັນຍາ ຂອງແພດໝໍທີ່ໄດ້ຕິດຕາມອາການຢ່າງໃກ້ສິດ ແລະ ການປະຕິບັດຫຼັກການຂອງຄົນເຈັບເອງ ຈົນປິ່ນປົວຫາຍດີແລ້ວ 6 ຄົນ ແລະ ອະນຸຍາດໃຫ້ກັບບ້ານໄດ້ ເປັນຊຸດທຳອິດ ໃນວັນທີ 15 ພຶຶດສະພາ, ສ່ວນຄົນເຈັບຕິດເຊື້ອພະຍາດໂຄວິດ -19 ອີກ7 ຄົນ ທີ່ນອນສືບຕໍ່ປີ່ນປົວຢູ່ໂຮງໝໍແຂວງ ທີມແພດໄດ້ສືບຕໍ່ປີ່ນປົວຕາມອາການ ທັງໄດ້ເກັບຕົວຢ່າງມາກວດວິເຄາະຫຼາຍຄັ້ງ ມາຮອດວັນທີ 21 ພຶດສະພາ ນີ້, ຜົນກວດຂອງທຸກຄົນ ແມ່ນເປັນຜົນລົບ 2 ຄັ້ງຕິດຕໍ່ກັນ ຈຶ່ງໄດ້ອະນຸຍາດໃຫ້ເຂົາເຈົ້າກັບຄືນໄປສູ່ຄອບຄົວ ໂດຍໄດ້ແນະນຳໃຫ້ສືບຕໍ່ຈຳກັດບໍລິເວນຕົນເອງ ຢູ່ເຮືອນຕື່ມ 14 ວັນ ແລະ ຈະມີການເກັບຕົວຢ່າງມາກວດວິເຄາະອີກຄັ້ງ ເພື່ອຄວາມປອດໄພ ກ່ອນຈະອະນຸຍາດໃຫ້ເຂົາເຈົ້າ ສາມາດດຳລົງຊີວິດຕາມປົກກະຕິ.

ສໍາລັບຄົນເຈັບຕິດເຊື້ອພະຍາດໂຄວິດ-19 ທີ່ໄດ້ຮັບການປີ່ນປົວຫາຍດີ ແລະ ໄດ້ຮັບການອະນຸ ຍາດໃຫ້ອອກໂຮງໝໍ ໃນວັນທີ 21 ພຶດສະພາ ນີ້,ມີຈຳນວນ 7 ຄົນ.ໃນນັ້ນ, 4 ຄົນ ຢູ່ນະຄອນຫຼວງພະບາງ ແລະ ເມືອງຊຽງເງິນ 3 ຄົົນ, ຜົນສຳເລັດທີ່ພາກພູມໃຈ ແມ່ນການປີ່ນປົວ ເດັກນ້ອຍ ອາຍຸ 1 ປີ 5 ເດືອນ ແລະ ອາຍຸ 2 ເດືອນ ໃຫ້ຫາຍດີຈາກພະຍາດ ໂຄວິດ-19 ລວມທັງ ແມ່ຜູ້ເບີ່ງແຍງເດັກ ແລະ ພະນັກງານແພດທຸກຄົນ ແມ່ນປອດໄພຈາກພະຍາດໂຄວິດ-19.

 

Off

Comments are closed.