26th May2021

ວັນທີ 26 ພຶດສະພາ 2021 ສປປ ລາວ ມີຜູ້ຕິດເຊື້ອໂຄວິດ-19ໃຫມ່ 5 ຄົນ

by somchan

ດຣ.​ ສີສະຫວາດ ສຸດທານິລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງ ສາທາລະນະສຸກ ໄດ້ຕາງໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19, ຖະແຫຼງຂ່າວສະພາບການການລະບາດຂອງພະຍາດ  COVID-19 ຢູ່ ສປປ ລາວ ປະຈຳວັນພຸດ ວັນທີ 26ພຶດສະພາ 2021 ວ່າ: ຜ່ານການກວດວິເຄາະຫາເຊື້ອພະຍາດໂຄວິດ-19 ຈາກການເກັບຕົວຢ່າງກຸ່ມສ່ຽງໃນຂອບເຂດທົ່ວປະເທດ ໃນວັນທີ 25 ພຶດສະພາ 2021 ມີທັງຫມົດ 1.767 ຕົວຢ່າງ; ພົບວ່າມີຜູ້ຕິດເຊື້ອໃຫມ່ເພີ່ມອີກ 5 ຄົນ; ໃນນັ້ນ ຢູ່ນະຄອນຫຼວງວຽງຈັນ 3 ຄົນ ເຊິ່ງແຕ່ລະຄົນແມ່ນມີປະຫວັດການເຄື່ອນໄຫວສຳຜັດກັບບຸກຄົນທີ່ຕິດເຊື້ອທີ່ມີການຢັ້ງຢືນໃນໄລຍະຜ່ານມາ; ສ່ວນຢູ່ແຂວງສະຫວັນນະເຂດ 2 ຄົນ ແມ່ນກໍລະນີນຳເຂົ້າ ຂອງແຮງງານລາວທີ່ກັບຈາກຕ່າງປະເທດ ແລະ ໄດ້ມີການກັກຕົວຢູ່ສູນກັກກັນທີ່ຄະນະສະເພາະກິດຂອງແຂວງກຳນົດໄວ້.

 

Off

Comments are closed.