27th May2021

ມ ສ ເມືອງສະໜາມໄຊ ເປີດການຮຽນການສອນ ສຳລັບຊັ້ນ ມ 4 ແລະ ມ 7

by somchan

ທ່ານ ສູລິວົງ ພອນວັນນາ  ຮອງອໍານວຍການໂຮງຮຽນ ມສ ເມືອງສະໜາມໄຊ ແຂວງອັດຕະປື ໄດ້ໃຫ້ສໍາພາດຕໍ່ສື່ມວນຊົນແຂວງ. ໃນວັນທີ 26 ພຶດສະພາ 2021 ນີ້ ວ່າ :  ພາຍຫລັງທີ່ໄດ້ຮັບແຈ້ງການຂອງຄະນະສະເພາະກິດຄວບຄຸມ ປ້ອງກັນການລະບາດຂອງ ພະຍາດໂຄວິດ 19 ຂັ້ນແຂວງ ແລະ ອິງໃສ່ການຕົກລົງເຫັນດີເປັນເອກະພາບຂອງພະແນກສຶກສາທິການ ແລະ ກິລາແຂວງ, ຄະນະນຳໂຮງຮຽນ ມສ ເມືອງສະຫນາມໄຊ ແຂວງອັດຕະປື ໄດ້ສືບຕໍ່ຈັດຕັ້ງປະຕິບັດການຮຽນ-ການສອນສໍາລັບຫ້ອງ ມ 4 ແລະ ມ 7 ເປັນປົກກະຕິ, ພ້ອມກັບການປະຕິບັດມາດຕະການປ້ອງກັນ ພະຍາດໂຄວິດ-19ຢ່າງເຂັ້ມງວດ.

 

ທ່ານ ສຸລິວົງ ພອນວັນນາ ໄດ້ກ່າວຕື່ມວ່າ: ການປະຕິ ບັດການຮຽນ ແລະ ການສອນຫ້ອງ ມໍ 4 ແລະ ມ 7 ໄດ້ ເລີມແຕ່ວັນທີ 25 ເມສາ 2021 ຈົນກວ່າຈະຈົບຫລັກສູດການຮຽນ-ການສອນທີ່ກະຊວງສຶກສາທິການ ແລະ ກິລາວາງອອກ. ແຕ່ແນວໃດກໍ່ຕາມຍັງໄດ້ປະຕິບັດຕາມຄຳສັ່ງຂອງຄະນະສະເພາະກິດ ຄວບຄຸມ,ປ້ອງກັນ ການແຜ່ລະ ບາດພະຍາດໂຄວິດ-19 ຢ່າງເຂັ້ມງວດ ເປັນຕົ້ນ: ການປະ ຕິບັດໄລຍະຫ່າງໃຊ້ຜ້າອັດປາກ – ດັງ, ລ້າງມືດວ້ຍສະບູ ຫລື ເຈວລ້າງມື. ສໍາລັບ ຫ້ອງມ4 ແລະ ມ7 ມີຈໍານວນນັກຮຽນທັງໝົດ 3 ຮ້ອຍກວ່າຄົນ, ມີຫ້ອງຮຽນ 8 ຫ້ອງ, ປະຈຸບັນໄດ້ແຍກໂຮງຮຽນເປັນ 12 ຫ້ອງຮຽນ, ສ່ວນຊັ້ນ ມ1, ມ2 ,ມ3, ມ5 ແລະ ມ6 .ປະຈຸບັນທາງຄູອາຈານປະຈຳວິຊາ ແລະ ຄູປະຈຳຫ້ອງກຳລັງສັງລວມຄະແນນເພື່ອສະເລ່ຍຄະແນນເດືອນ ຫາກນ້ອງນັກຮຽນບຸກຄົນໃດສອບເສັງຫລູດຄາດໝາຍແມ່ນຈະໄດ້ມີການບຳລຸງ ແລະ ສອບເສັງຄືນໃໝ່ ເພື່ອໃຫ້ບັນລຸຕາມແຜນການທີ່ວາງໄວ້ .

 

Off

Comments are closed.