27th May2021

ສູນກາງແນວລາວສ້າງຊາດ ມອບຕຽງນອນ ແລະ ຢາວິຕາມິນ ໃຫ້ແຂວງສະຫວັນນະເຂດ

by somchan

ວັນທີ 27 ພຶດສະພາ 2021 ນີ້, ຢູ່ພະແນກສາທາລະນະສຸກແຂວງສະຫວັນນະເຂດ ໄດ້ມີພິທີມອບ-ຮັບຕຽງນອນຄົນເຈັບຈຳນວນ 5 ໜ່ວຍ ແລະ ຢາວິຕາມິນລວມ ຈຳນວນ 50 ແກັດ ເພື່ອນຳໃຊ້ເຂົ້າໃນວຽກງານປິ່ນປົວຄົນເຈັບຂອງໂຮງໝໍແຂວງສະຫວັນນະເຂດ. ຕາງໜ້າມອບໂດຍ ທ່ານ ສິນໄຊ ວົງລະຄອນ ຮອງປະທານແນວລາວສ້າງຊາດແຂວງ ແລະ ຕາງໜ້າຮັບໂດຍ ທ່ານ ດຣ ແສງດາວ ສີດາໄລ ຫົວໜ້າພະແນກສາທາລະນະສຸກແຂວງ, ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

 

 

 

ໂອກາດນີ້, ທ່ານ ດຣ ແສງດາວ ສີດາໄລ ກໍໄດ້ສະແດງຄວາມຂອບໃຈ ແລະ ຮູ້ບຸນຄຸນມາຍັງ ສູນກາງແນວລາວສ້າງຊາດ ກໍຄື ແນວລາວສ້າງຊາດແຂວງສະຫວັນນະເຂດ ທີ່ເຫັນໄດ້ຄວາມສຳຄັນ ແລະ ຈຳເປັນໃນວຽກງານປິ່ນປົວຄົນເຈັບຢູ່ໂຮງໝໍແຂວງ ສະຫວັນນະເຂດ ເຄື່ອງຈຳນວນດັ່ງກ່າວນີ້ ແມ່ນໄດ້ມາຈາກລະດົມຂົນຂວາຍການຊ່ວຍເຫລືອ ຈາກມູນນິທິຂອງ ສ ເກົາຫລີ ອຸປະກອນການແພດທີ່ຈຳເປັນ ເຊັ່ນ: ຕຽງນອນຄົນເຈັບ ແລະ ຢາວິຕາມິນລວມ ຄິດເປັນມູນຄ່າທັງໝົດ 55 ລ້ານກີບ ໃນນີ້ ສຳລັບຕຽງນອນຄົນເຈັບ ແມ່ນຈະນຳໄປປ່ຽນແທນຕຽງທີ່ບໍ່ໄດ້ມາດຖານຢູ່ໂຮງໝໍພາກສະໜາມ ທີ່ປິ່ນປົວຜູ້ຕິດເຊື້ອໂຄວິດ-19 ຂອງແຂວງ (ວິທະຍາໄລວິທະຍາສາດສຸຂະພາບ) ເຊິ່ງເຫັນວ່າຍັງບໍ່ທັນພຽງພໍກັບຄວາມຕ້ອງການ ເພື່ອຮອງຮັບຄົນເຈັບ ທີ່ຍັງສືບຕໍ່ເພີ່ມຂຶ້ນໃນແຕ່ລະວັນ.

Off

Comments are closed.