28th May2021

ຕໍາຫຼວດ ຈະລາຈອນ ນວ ລົງໂຄສະນາຜົນຮ້າຍ ແລະ ໄພອັນຕະລາຍຂອງພະຍາດໂຄວິດ -19 ຢູ່ຕາມຖະໜົນໃນຂອບເຂດ ນວ

by somchan

ເລີ່ມແຕ່ວັນທີ 25 ພຶດສະພາ 2021 ກອງໂຄສະນາພະແນກຕໍາຫຼວດ ຈະລາຈອນ ຫ້ອງຕໍາຫຼວດ ປກສ ນວ ໄດ້ສືບຕໍ່ຜັດປ່ຽນກັນລົງໂຄສະນາຜົນຮ້າຍ ແລະ ໄພອັນຕະລາຍຂອງພະຍາດໂຄວິດ -19 ຢູ່ຕາມຖະໜົນໃນຂອບເຂດ ນວ ເຊິ່ງຕອນເຊົ້າເລີ່ມແຕ່ເວລາ 9:00-11:30 ໂມງ, ຕອນບ່າຍເລີ່ມ ແຕ່ 14:00- 16:30 ໂມງ ແລະ ຈະສຶບຕໍ່ໂຄສະນາຈົນຮອດມື້ທີ່ຂັ້ນເທີງປົດລ໋ອກດາວ ເພື່ອໃຫ້ປະຊາຊົນມີສ່ວນຮ່ວມໃນການປ້ອງກັນ.

ພັຕ ຫຼຽນໄຊ ມົງພົນຄໍາ ຫົວໜ້າກອງໂຄສະນາ ພະແນກຕໍາຫຼວດຈະລາຈອນ ນວ ເປີດເຜີຍວ່າ: ການລົງໂຄສະນາຄັ້ງນີ້ເປັນໄລຍະທີ 2 ພາຍຫຼັງຂັ້ນເທີງສຶບຕໍ່ລ໋ອກດາວ ເຊິ່ງການລົງໂຄສະນາຄັ້ງນີ້ແມ່ນໂຄສະນາຕາມຖະໜົນຂອບເຂດເມືອງສີສັດຕະນາກ, ເມືອງໄຊເສດຖາ, ເມືອງສີໂຄດຕະບອງ ແລະ ເມືອງຈັນທະບູລີ ນວ ໂດຍນໍາເອົາຄໍາສັ່ງເລກທີ 15/ນຍ ແລະ ແຈ້ງການເລກທີ 02/ຈນວ ເຜີຍແຜ່ໃຫ້ປະຊາຊົນ ຈົ່ງພ້ອມໃຈກັນປະຕິບັດຄໍາສັ່ງ, ແຈ້ງການ ຢ່າງເຂັ້ມງວດ ແລະ ໃຫ້ມີສະຕິສູງໃນການປ້ອງກັນ, ສະກັດກັ້ນການແຜ່ລະບາດຂອງພະຍາດດັ່ງກ່າວ ທີ່ພວມລະບາດຢູ່ໃນ ນວ .

ການໂຄສະນາແມ່ນເນັ້ນໃສ່ຮຽກຮ້ອງໃຫ້ປະຊາຊົນ ໃຫ້ພ້ອມກັນມີສະຕິໃນການປ້ອງກັນ, ສະກັດກັ້ນເປັນຕົ້ນແມ່ນຜູ້ທີ່ບໍ່ມີຄວາມຈໍາເປັນແມ່ນໃຫ້ຢູ່ເຮືອນ ກໍລະນີມີຄວາມຈໍາເປັນຕ້ອງອອກເຮືອນ ແມ່ນໃຫ້ໃສ່ຜ້າປິດປາກ, ຮັກສາໄລຍະຫ່າງ, ຫຼີກລ່ຽງການຊຸມແຊວ, ແອອັດ, ເວລາຈັບວັດຖຸສິ່ງຂອງແມ່ນໃຫ້ລ້າງມືໂດຍເຈວ ຫຼື ເຫຼົ້າຂ້າເຊື້ອພະຍາດ.

Off

Comments are closed.