28th May2021

ກົມໃຫ່ຍການເມືອງ ປກສ ປູກຕົ້ນໄມ້ ເນື່ອງໃນໂອກາດ ວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ

by somchan

ໃນວັນທີ 28 ພຶດສະພາ 2021 ນີ້ ກົມໃຫຍ່ການເມືອງ ປ້ອງກັນຄວາມສະຫງົບ ໄດ້ຈັດພິທີ ປູກຕົ້ນໄມ້ ເນື່ອງໃນໂອກາດ ວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ (ວັນທີ 1 ເດືອນ ມີຖຸນາ) ເຊີ່ງພິທີດັ່ງກ່າວໄດ້ຈັດຂື້ນ ຢູ່ທີ່ໂຮງຮຽນວັດທະນະທຳ ຫລັກ 67 ໂດຍການເປັນກຽດເຂົ້າຮ່ວມ ພຕົ ວັນທອງ ກອງມະນີ ຮອງລັດຖະມົນຕີ, ຫົວຫນ້າກົມໃຫຍ່ການເມືອງ ກະຊວງ ປ້ອງກັນຄວາມສະຫງົບ ມີບັນດາຄະນະພັກກະຊວງ ຄະນະກົມໃຫຍ່ ຄະນະອຳນວຍການໂຮງຮຽນ ແຂກຖືກເຊີນ ແລະ ພະນັກງານນັກຮົບເຂົ້າຮ່ວມ.

ພັອ ພອນເພັງ ຫລ້າບັນດິດ ຫົວຫນ້າຫ້ອງການກົມໃຫຍ່ການເມືອງ ປກສ  ໄດ້ກ່າວວ່າ ຈຸດປະສົງການຈັດພິທີ ປູກຕົ້ນໄມ້ ໃນຄັ້ງນີ້ເພື່ຶອເປັນການສ້າງຂະບວນການຂໍ່ານັບຮັບຕ້ອນວັນສຳຄັນຕ່າງໆຂອງພັກຂອງຊາດໃຫ້ເຕັມໄປດ້ວຍເນື້ອໃນອັນເລິກເຊີ່ງມີຄວາມຫມາຍຄວາມສຳຄັນ ແລະ ມີບັນຍາກາດອັນຟົດຟື້ນ, ທັງເປັນວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ ທັງເປັນການຟື້ນຟູຊັບພະຍາກອນປ່າໄມ້ ໃຫ້ຂຽວສົດງົດງາມ,ຮັກສາສີ່ງແວດລ້ອມ, ລະບົບນິເວດວິທະຍາ ໃຫ້ມີຄວາມສົມດຸນ ແລະ ຍືນຍົງຕະຫລອດໄປ,

ທັງເປັນສິນຄ້າ ທີ່ມີທ່າແຮງສ້າງລາຍຮັບເຂົ້າໃນການພັດທະນາກົມກອງ ບົນຈິດໃຈ ເພີ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ຕາມນະໂຍບາຍຂອງພັກ-ລັດວາງອອກ ຕົ້ນໄມ້ທີ່ນຳມາປູກໃນມືິ້ນີ້ ມີຕົ້ນໄມ້ວິກ 34,000 ຕົ້ນປູກໃນເນື້ອທີ່ 25 ເຮັກຕາ  ເຊີ່ງແມ່ນບໍລິສັດບົວລະພາກະສິກໍາ-ປ່າໄມ້ ຈໍາກັດ ເປັນຜູ້ສະຫນອງໃຫ້ ພາຍຫລັງປູກສຳເລັກແລ້ວແມ່ນໄດ້ມອບໃຫ້ ໂຮງຮຽນວັດທະນະທຳ ຫລັກ 67 ເປັນຜູ້ເບີ່ງແຍງ ບົວລະບັດຮັກສາຕໍ່ໄປ.

 

Off

Comments are closed.